2 Makũ laasunde ma pì: Yã pã búgubugu, yã pã búgubugu, a pínki pãmɛ.
3 Bↄ́ àreen bisãsiri dì le andunia gũn wari kũ àtɛn kɛ a zĩ sĩnda pínki gũnwaa?
4 Kpàinↄ dì gɛ̃tɛ, wurenↄ dì su, ama andunia dìgↄ̃ kun gↄrↄ sĩnda pínkimɛ.
5 Ifãntɛ̃ dì bo àdi gɛ̃, àdi wã à ɛra à gɛ́ gu kũ àdi bon.
6 Ĩa dì káka gɛ̀nↄmidↄki kpa, àdi ɛra à su gugbãnduru kpa, àdigↄ̃ likara àgↄ̃ gɛ́ àgↄ̃ su.
7 Swa sĩnda pínki í dìgↄ̃ ká ísira gũmmɛ, ama ísira dì paro, í pìnↄ dì ɛra ò su swa pìnↄ mìiamɛ.
8 Pↄ́ sĩnda pínki dì ń kpasa, kpasa pì yã gɛ̃̀ onala. Gugwana dì mↄ́ wɛ́aro, yãmana dì sã paro.
9 Yã kũ à kun yã mɛ́ ani ɛra àgↄ̃ kun dↄ, yã kũ ò kɛ̀ yãn oni ɛra ò kɛ dↄ. A dufu ke kú andunia gũnlo.
