12 Makũ laasunde ma kí blè Isarailanↄa Yurusalɛmu.
13 Ma mɛ̀ɛ kpà yã kũ òtɛn kɛ andunia gũn pínki tàasikanaaa, ma gwàgwa ↄ̃ndↄ̃'ↄ̃ndↄ̃ ma è Luda zĩ pãsĩ dà bisãsirinↄnɛ ò kɛ.
14 Ma yã kũ òtɛn kɛ andunia gũn è pínki, a pínki bi pãmɛ, pɛna gukoriamɛ.
15 Pↄ́ fĩkarana porona vĩro, òdi le ò pↄ́ kũ à kunlo naroro.
16 Akũ ma ò ma swɛ̃̀ɛ gũn ma pì: Ǹ gwa! Ma ↄ̃ndↄ̃ zↄ̃kↄ̃ de gbɛ̃ kũ ò kpata blè Yurusalɛmu ma ãnↄla ń pínki, ma ↄ̃ndↄ̃ kũ ma dↄ̃naao wɛ́ bò manamana.
17 Akũ ma mɛ̀ɛ kpà ↄ̃ndↄ̃ asiri dↄ̃naaa de mà yↄ̃nkↄkɛ kũ mìsariyão asiri dↄ̃, akũ ma è abirekũ bi pɛna gukoriamɛ dↄ.
18 Ɔ̃ndↄ̃ zↄ̃kↄ̃ↄ dì su kũ nɛ̀sɛyakana zↄ̃kↄ̃ↄomɛ, òdi yã'ũmmana le ń dↄ̃na lɛ́mmɛ.
