La Bu 69:4-27

⁴Ajehbei hel a eivetdaho hika lujang a ka samjang sang’inatamjouve. Ka melmate hin jouthu jeng a suhmang ding eigouvin, hitihin ka guh louhel thil chukanung peh din athum uve.

⁵Vo Pathen ichangeia ngol kahinahenai; Ka chonsetnaho hi nang’akon’in akiselmang theipoi.

⁶Keijeh in, nangma tahsanna hochu jumsah hih beh in, O van alengchungnung Pakai, Pathen keihi akisuh jum na nei hisah hihbehin, O Israel Pathen.

⁷Ajeh chu nangma jal a housetnaka thoh ahi; jumna le jachatna kamai a adimset tai.

⁸Ka sopiho tah jeng’in jongeikihetmosah tauvin gamchommibangin eibol tauvin ahi.

⁹Na houin a ding a ka tompanjeh in eichaideh tan ahi, nangmanna housetnau jouse chu ka chungaachu tan ahi.

¹⁰Kappum a an kangol a chun, noisetah in eihou un ahi.

¹¹Kagentheiphondohnaakhaodipponkakisil’aahileheinuisat un ahi.

¹²Keima hi khopi sung a jalhanga kihoulim nopna bep ka hitanjukhamhon kei chungchang thutotnopnan anei tauve.

¹³Hinla Pakai naheng a kataojingin, tuchung beh neihin khotoding kakinem e. O Pakai namingailut longlou chun katao nahihuhing na tahbeh a chun nei donbutin.

¹⁴Bonlhoh lah a kon hin neihuhdohin; athuh jep a neilhahlutsahhihbeh in, eivetdaho lah a kon’inneihuhdoh in lang hiche twithuhlah’a kon hin neikaidoh in.

¹⁵Twisohhat lai neichupsah hihin, ahilouleh twithuh gillai jong neivallhum sah hih in, ahilouleh thinalhan kotong jong nehmang sah hihin.

¹⁶Vo Pakai ka taona neingaipeh in, ajeh chu na mingailutna longlou hikidangtah ahin, neikaihoi jing in, ajeh chu na mikhotona hi lolhingtahahi.

¹⁷Na sohpa a kon hin kisel manghih in; gangtah in neidonbut in ajehchu keiman boina nasatah ka toh

¹⁸Hung’in lang neihung lhatdohtan; ka melmat a kon’in neilha-ong tan.

¹⁹Nang’in eiki houset na eikijumbolna le ei kijachat sah naho jousena hesohkei in ahi. Ka melmatenabol jouseu na hesohkei e.

²⁰Ami taitomnauvin ka lungthimasukeh in, kadailheh jeng tai. Mikhat seh hijong le lungset naeimusah um hen lang; Khattou hungkiheihen lang eihin lungmonsah lekanom e.

²¹Ahinla chutimalah in amahon kanehdin gu eipeuvin amahon ka donding’in juthuh eipeuve.

²²Amasanguvaneh-le-chahdimset dokhang chu akipal naosoh henlang, ahaonau chu amahoding’in thangkol hisah jeng tan.

²³Kho amutheilouna diuvin amitu chojeng henlang atahsao kithingthing in umsah jeng in.

²⁴Na lunghanna chu achung uvahsunglha jeng’in; na lunghannameikong achun amaho chu kavamjeng in.

²⁵A-in’u chu ahomkeo soh dohjeng henlang aponbuh u jong kidajeng hen.

²⁶Gotnanapehmichun, akisuhkhah na chung uva jumbol naakoibe uve; akisukha ho chu natnaabelap peh uve.

²⁷Achonsetnau setvum peh unlang, khatcha ongthol’in lha hihbeh in.