La Bu 66:11-20

¹¹Na thangkol a neimat u ahitanchuleh ka tungtun uva sohchannapohgih chu neipoh sah u ahitai.

¹²Ka chunguvah midangho lam najotsah in hiti chun keiho meilhumleh twisohlah neipal galkaisahuvin, hinla nehding nenna mun aneipuilut tauvin ahi.

¹³Tun nahenga kakitepna subulhitdin pumgo thilto pum in na houinka hinjon e-

¹⁴Henge, lunggim le kakhoisatnikho hoa nakoma kitepna ka na nei chu ahi.

¹⁵Hijeh a chu keiman kanei holah ka kelngoichalho hi namtuipen ding le, ka bongchalho le kakeltahchalho hi pumgo thilto a kahin todoh ahitai.

¹⁶Pathen gin le jana neijousehung un lang ngai un, Pakai in ipieibolpeh am na seipeh ung ka te.

¹⁷Ajeh chu keima n Ama thangvahpum in panpi thumnan ka tao in ahi.

¹⁸Keiman ka lunsunga um kachonset phongdoh lou hileng, Pakaiin ka taona eingaipeh louding ahi.

¹⁹Hinla Pathen in eingaipeh e! Aman khohsah tah in ka taonaeingaipeh in ahi.

²⁰Ka taona eigelkhohpehjeh leamingailutna longlou kei a kon a eilahdohpeh lou jeh in Pathen chu thangvah in um hen!