La Bu 59:1-9

¹O Pathen, ka galmite akon’in neihuhdoh in, keima eisumang ding’a hungho a kon’in neihuhdoh in.

²Misugentheihoakon’in neihuhdoh in lang tolthat ho’a kon’in neihuhdoh in.

³Amahon eichanglhiuvin, Pakai melma engsetahte hon eingah un ahi, keiman amaho dounan imacha thilse ka bol poi.

⁴Keiman imacha thilse kabol pon hinla keima eidelkhum ding’in akigo jing’un ahi. Hung thoudoh in thilsohho hi hung ven lang neikithopi’n!

⁵O Pakai Pathen hatchungnung Israelte Pathen, hung thoudoh in lang mi phalou namtin vaipiho hi gimbolna hung petan kitahna neilou mi phaloute chung’a hin khotona neihihbeh in.

⁶Amaho janteng leh ahungdoh jiuvin, uingol hon mi angih bang’in lamlen’a akijot’un apeng le jiuvin ahi.

⁷Akamsunguva thu thanghoi hungpotdoh khu ngai in chemjam akisat bang’a ngaithada umtah ahi. Hitobang’a ngai thaset umtah hikon angai ngam ding ham?

⁸Ahinla Pakai nang’in amaho chu na nuisat’in, mi phalou namtin vaipiho chu na hohdal’in ahi.

⁹Nang hi kahatna nahi; eihuhdohdin nang kangah jing e, ajeh chunang hi kakibitna kulpi nahi.