Kurak Tsipasa 15:13-19

¹³Ashiri uwshtisin, Nduni. Zurampataricha tini. ¿Tamareeja iynaa shiyaa pachachini? Putamari putayruni, Filistewshucheem panapani atuni atiniya, tárangusin, putaranganaya Sansonaatsi. Wasik kaneeschipa kamuriyrusin, wachush wantsush yusheerandsin machtaranganaya.

¹⁴Ashiriya, yakat Leyi kayumatanusin, tputs zapan Filistewshuch zamamtarusin, anush kusatanusin, Apanllsha wasundurur Sansonaam wizpur kapung panarangiya. Uwsha chiyzata sheeru, yuwaa wasik kaneeschipa kamurirana wirootspaz kuchareetsi ashiru ishaparangiya.

¹⁵Ashiranllu, anumun piyamsha nap ashku, kapaach tsipar waneezat tamuru ndaturi puzaru zumbachitaruri anoo yarangu, anpashat waanappa tputsee Filistewshuchee zapan pacharangiya.

¹⁶Ashiriya sheeru, anumunsha tsiyatarangu, Nuw kapaachpa waneezat tputsee zapan pacharangina. Sheeruri, tsipareetssha piyam xanata, piyam xanata sheeruri kasarangina, tárangiya.

¹⁷Tsiyatam iwaparamchu, anumun kapaachoo waneezat kapeetarangiya. Ashirucha, anumand anoo tsap Ramat-Leyi táranganaya. Ansha tsiyatsis, Kapaach waneeztu atusin, yásamaranganaya.

¹⁸Ashiriya, ashirangu anush Sanson kapung sachitarangiya. Apanlleetssha, Apaa, shiy nuwaam kapungutaa wizpurireetsish panarangush, nuwamarita Filistewshuchee kasiranguri, itaru natsha, ¿Waani sachisimun tsipap átish? ¿Waani Filistewshuch putanll átish nuwaatsee? tárangu,

¹⁹Apanllsha anoo mazinarangu, tsap kawaru anush kung wir zaw ashirangu, anoo Sansonsha waarangiya. Sheeru anumun, mang' kizpurtarangiya. Ashirucha, anoo tsap, Inakuree yásamarangiya. Itaru, ansha tsiyatsis yuwaa tputs mashku anoo, Apanllsha kung wirimshee panakiya atusin yásamaranganaya.