Korintu Aranol 16

1

2

3

4

5

6

7

8

9

10

11

12

13

14

15

16

¹Jooni, wallirgo goonɗinɓe wonɓe Urusaliima e ceede nun batananmi. Onon bo gaɗee hande no batumi eklesiyaaji leydi Galaatiya.

²Alal fu, moy mooɗon fu resa wecco dow ko o heɓi. To on keɗee mi wara go kawriton ɗe.

³To mi warii, mi lilan ɓe cuɓoton ɓe jaara ballal mooɗon faa Urusaliima, e ɗereeji paaminooji haala ballal mooɗon.

⁴To fotii mi yaha min e hoore am, ɓe jaadan e am.

⁵Mi waran to mooɗon, amma mi ƴiwiran e leydi Maseduwaan, gam ton tokkiranmi.

⁶Waɗoto to mi warii mi jooɗoo to mooɗon balɗe seɗɗa, ɗum bo mi dabba ton. Den ballon am der jahaaŋal am mi yahira to jahanmi fu.

⁷Gam e laawol ŋol ɗo, mi yiɗaa yaalugo on to mii yawta, to Joomiraawo e yiɗi mi jooɗoto to mooɗon balɗe seɗɗa.

⁸Amma mi jooɗoto taw Efesu faa juulɗe Pantekosta yottoo,

⁹gam laawol manŋol maɓɓitanake am mi waɗa golle am, baa no wayɓe bo e ɗuuɗi.

¹⁰To Timote warii to mooɗon, jaɓɓee mo, jogoɗon mo faa wooɗa, gam golle Joomiraawo nun o waɗata hande am.

¹¹Gam majjum, to goɗɗo yawoo mo. Ballitee mo dow jahaaŋal makko. O yaha e jam, o warta to amen. Min e banniraaɓe emen keɗii mo.

¹²Banniraawo meeɗen Apollos, mi tiiɗinii ɗum de ɗuuɗɗum o yaada e banniraaɓe to mooɗon, amma faa hanne o nootaaki. Amma o waran to o heɓori.

¹³Kakkilee, daree e semme der goonɗinki, kollitee cuusal mon, goodee semme.

¹⁴Ko gaɗoton fu, gaɗiree ɗum e yidde.

¹⁵Banniraaɓe, ko eelanmi on woni, oon anni Estefanas e himɓe wuro mum, kamɓe nun arti goonɗini der leydi Akaya fu. Ɓe tinnake gollanaago himɓe Alla.

¹⁶Ɗowtanee himɓe iri maɓɓe, tinniiɓe e gollodoo e maɓɓe.

¹⁷Ɓerne am weli e garki Estefanas e Fortunatus kan e Akaykus. Ɓe gaɗanii am ko on baaway ko waɗanimmi gam oon boɗɗi.

¹⁸Ɓe pukkinii ɓerne am e ɓerɗe mooɗon. Gam majjum teddinee himɓe hande maɓɓe.

¹⁹Himɓe eklesiyaaji leydi Asiya fu sannii on. Akilas e Pirisikiila, e goonɗinɓe Yeesu hawritintooɓe der wuro maɓɓe fu e sanna on sanne e inne Joomiraawo.

²⁰Banniraaɓe fu e sanna on. Moy mooɗon fu sanna banniraawo mum e yidde mawne.

²¹Min Pol mi sannii on e binni junŋo am.

²²Neɗɗo fu mo yiɗaa Joomiraawo, o naalaaɗo! Maranata, yaa Joomiraawo Yeesu, war!

²³Moƴƴere Joomiraawo meeɗen Yeesu wonda e mooɗon!

²⁴Mii yiɗi on on fu, gam kawtal meeɗen e Yeesu Almasiihu.