Kawandila 5:11-18 in Susu

¹¹ Walikɛ luga ba, a mu luga ba, a xixɔli fanyi rabama nɛ. Kɔnɔ banna xa naafuli a niyama nɛ a mu xixɔli fanyi raba.

¹² N fe magaaxuxi nde rakɔrɔsixi yi duniɲa ma: Kankanfe bannaya ma han a banna tɔɔrɔ,

¹³ xa na mu a ra, bannaya lɔɛfe tɔɔrɛ nde saabui ra, a fa li banna xa di mu kɛ sɔtɔ.

¹⁴ Adamadi mini ki naxɛ a nga tɛgɛ, a man gbilenma bɛndɛ a mageli ra na ki nɛ. A mu sese xaninma a xun ma a naxan sɔtɔ a xa wali kui.

¹⁵ Yi fe xɔrɔxɔ. Adamadi fa ki naxɛ yi duniɲa ma, a man sigama na ki nɛ. A xa katɛ findixi fe fufafu nan na.

¹⁶ A duniɲa igirima dimi nan kui, kɔntɔfili, tɔɔrɛ, nun bɔɲɛ maɲaaxui kui.

¹⁷ Na kui n naxa a fahaamu a fan adama bɛ xa a a dɛge, a a min, a sɛɛwa a xa wali ra, a naxan nabama duniɲa ma a xa simaya kui, Ala naxan nagirixi a ma na nan findixi a xa geeni ra.

¹⁸ Xa Ala a ragiri mixi ma a xa harige sɔtɔ, a fa sɛɛwa na ra han a wasa, na bara findi Ala xa ki nan na.

¹¹ وَلِكّ لُفَ بَ، عَ مُ لُفَ بَ، عَ شِشْلِ قَنيِ رَبَمَ نّ. كْنْ بَننَ شَ نَاقُلِ عَ نِيَمَ نّ عَ مُ شِشْلِ قَنيِ رَبَ.

¹² ﭑ قٍ مَفَاشُشِ ندٍ رَكْرْ سِشِ يِ دُنِحَ مَ؛ كَنكَنقٍ بَننَيَ مَ هَن عَ بَننَ تْورْ،

¹³ شَ نَ مُ عَ رَ، بَننَيَ لْيقٍ تْورّ ندٍ سَابُي رَ، عَ قَ لِ بَننَ شَ دِ مُ كّ سْتْ.

¹⁴ عَدَ مَدِ مِنِ كِ نَشّ عَ نفَ تّفّ، عَ مَن فبِلٍنمَ بّندّ عَ مَفٍلِ رَ نَ كِ نّ. عَ مُ سٍسٍ شَنِنمَ عَ شُن مَ عَ نَشَن سْتْ عَ شَ وَلِ كُي.

¹⁵ يِ قٍ شْرْشْ. عَدَ مَدِ قَ كِ نَشّ يِ دُنِحَ مَ، عَ مَن سِفَمَ نَ كِ نّ. عَ شَ كَتّ قِندِشِ قٍ قُقَقُ نَن نَ.

¹⁶ عَ دُنِحَ عِفِرِ مَ دِ مِ نَن كُي، كْنتْقِلِ، تْورّ، نُن بْحّ مَحَاشُي كُي.

¹⁷ نَ كُي ﭑ نَشَ عَ قَهَامُ عَ قَن عَدَ مَ بّ شَ عَ عَ دّفٍ، عَ عَ مِن، عَ سّيوَ عَ شَ وَلِ رَ، عَ نَشَن نَبَمَ دُنِحَ مَ عَ شَ سِمَيَ كُي، عَلَ نَشَن نَفِرِشِ عَ مَ نَ نَن قِندِشِ عَ شَ فٍينِ رَ.

¹⁸ شَ عَلَ عَ رَفِرِ مِشِ مَ عَ شَ هَرِفٍ سْتْ، عَ قَ سّيوَ نَ رَ هَن عَ وَ سَ، نَ بَرَ قِندِ عَلَ شَ كِ نَن نَ.