Katuma 8:6-36

⁶A nabu gbardang sa wa kunna wa kiri wa iri ti mum sa ma zin unu wuza mee wa gamika muriba muwe mee a hira ame.

⁷Ani bee izezen gbardang we e unu karsa u hunu, anu wijo uti hihira wa kem u humza.

⁸Mu riba manu ani pin mee mu runme.

⁹Uye mamu rani ani pinme sa atisa me simon, dee sa ma dodonkinon anu Vengizi uwe muriba ini bere na nu bezi ubari.

¹⁰ASamariyawa a cincin nan a dandang vat, mu riba mu wemee mu kuri ahira ame, unu gusa unu geme mazin ni kara na Asere sa ri ori.

¹¹Wa re aje unu kunna umee barki sa ma dodonkino unu wuza uwe ribere.

¹²Sa wa hem inka dura ku runtame sa Filibus ma hanawen, ka banga a kura Asere nan Yesu kirsti, a zursowe ana ruma nan na eh.

¹³Simon me changi ma hem inka durame a zorome, ma dusa more aje inti cuku na Filibus ma ira timum gbardang sa ma wuza ma kunna biyau.

¹⁴A dura me sa warani Ujerusalem wa kuma agi anu samariya wa kaba tize ta Asere, wa tuburko Bitrus nan Yohana.

¹⁵Sa wa hana wa hana wa wuwe biringara bati wa kabi bibee biririn.

¹⁶A zorsowe a nyumo ani zaa nu gomo Asere Yesu vati anime daki wa kem bibee biririn.

¹⁷U aye u Bitrus nan Yohana wa tarsawe tari ace waduku kem.

¹⁸Sa simon ma ira azin unu ninza ubibee biririn una utarsa utari ace ma witiwe ikirfi.

¹⁹Ma gunwe nyanime ni ge nikaramee vat dee sa ma tarame tara anice makem bibee biririn.

²⁰Bitrus ma gunmee cornowe nan ikirfi iwemee, u basa uda kee ukpee u nyanki wa Asere ini kirfi.

²¹Iriba ya Asere izoo na huu, barki anime udaa kemwe baa.

²²Barki anime ceki imum iburri iweme uwu biringara bati Asere a kpeeciwe.

²³Ma ira uraa anyumo ati kono tigwangwang tucharan.

²⁴Sion ma gu ringirkanme Asere kati timumme sa ya buka tikem.

²⁵Sa Bitrus nan Yohana wa mara uboo anu tizee tu Ugomo asere, wa kuri u hana Ujerusalem wa haki wa buu ana agiro u Samariya tizee ta Asere.

²⁶Bire bibee bika dura ka Asere bigun Filibus, hira tarsa ni kira nu kudu una Ujerusalem u hana ugaza (una ubikiki bine).

²⁷Ma hiri ma dusa. uru naa katuma a kura usarauniya wani Itopiya sa maaye Ujerusalem bati ma wuzi Ugomo Asere rinonzo.

²⁸Tantu kuro ma ciki unu hira citi zee ti Tshaya unu kurzo utize ta Asere.

²⁹Bibee bi gun Filibus hana ka benki unu ugenemee.

³⁰Filibus maka kem me unu hira uti Ishaya una tizee ta Asere.

³¹Indi wuu ani in russi sarki uye sa madiu benkum, aye benkum.

³²A hira me sa unu Itopiya maazi unu hirame, a gusa, A hunge mee kassi bitan tantu kaweki nan bizara in ku tikmee sarki u buku tizee.

³³A nyumo u yomomee sa wawuza me wacekimee, aveni madi buki uchara umemee, sa a hunamee unee.

³⁴Uchukorome ma iki Filibus ma gu kussu, unu kurzo utizee mee mazin anice numee nan ni uyee.

³⁵Filibus ma tubimee tizee ti Yesu unyertike u Ishaya.

³⁶Wa haki unaa wa wa eh a hira mare mei uchokoromee ma gunnme nyanini idi karti a zoron abamee.