Katuma 15:16-38

¹⁶Indi kuri uzee in kurzo ani kasi utuba me.

¹⁷Batti ukasu wasu wannu upata ande sa wa zoo we Mayahudawa wa kabi Yesu.

¹⁸U buka ugomo Asere wazigino me sa ma buki datti.

¹⁹U iraa um wazigenne me, ande sa wa kati a bussur we.

²⁰Caa ti nyertike wen unu guna kati wa ree imum yare ima kiri nan inama sa daki aweki wan mayee.

²¹I rusa ati wee tu datti sa ta agiza u cara sassas ati pinpin sassas anyimo ati denge tinigura wa wuza katuma in tizee ti Musa vat uwui uvenke wa asabar.

²²Ya wuu are ana kadura kasere nan nanu vat na anu tarsa Asere wa zauka Yahuda, Barnabas nan Silas wa tono we U think antakiya upata Bulus nan Barnabas.

²³Wa nyertike kadura kani iss ahira anu henu uwe ande sa inzo Ayahudawa, sa wa rani Uantakiya, Suriya nan Kilikiya.

²⁴Ta kunna agi aye anyimo aruu wa suro sarki urusa uroo in tire tize sa wazin unu carsa ushi murubani.

²⁵Barki ani me ta ira ya wuna urii ti tummi aye upata u Bulus nan Barnabas ahirabashi me.

²⁶An desa wa nya ace awe barki katuma ku ugomo Asere Yesu kristi.

²⁷Ta kuru ta tuma Yahuda nan Silas wa e wa buki shi imum i' inde me.

²⁸Bibe bi ugomo Asere nan haru ta iraa ya wuna urii kati acani shi imum sa idi aki ni kara nishi.

²⁹Kati irii nan isii imum be sa barka barki makiri, kati iri binama sa daki aweki bini, kati irii maye.

³⁰Wa dusa uhana Uantakiya wa ori anu tarsa Asere wa nya we kadura me.

³¹Sa wa kunna kadura me wa wuu mu ruba mu rum.

³²Yahuda nan Silas wa nya we tizee sa tidi kinki we akara amuruba.

³³Sa wa wuna tiye nan we wa kuri in na puru arum uka kem ande sa wa tuma we.

³⁴Silas ma iri ya wuna me uri ma cukuno nan we.

³⁵Bulus nan Barnabas wa tonno u Antakiya nan aye gbardang wa ri aje anu boo anu tize tu ugomo Asere

³⁶Sa wa wuna tiye, Bulus ma gun Banabas caa ti tarsi anu me sa ta bezi we tizee tasere ti iri nyanini wa rani anyimo me.

³⁷Barnabas ma nyari uguna wada dusa me nan Yohana desa atisa me Markus.

³⁸Bulus magu “ida rizi me ti dusa nan Markus sa maa ceki during u Familiya daki ma ree aje nan haru”.