Kap 37:31-39

³¹Piŋkop dakon nawa gen butnikon tosok, ae kositni kɨlegɨ uŋun dɨma yɨpmaŋ degek sagalek dɨma aŋakdak.

³²Amɨn yokwi amɨn kɨlegɨ aŋakban kɨmotjak do yubɨŋ egɨsak.

³³Mani Yawe da amɨn kɨlegɨ yɨpmaŋ dekban amɨn yokwi da arɨpmɨ dɨma aŋakban kɨmotjak. Ae amɨn yokwi da amɨn kɨlegɨ gen pikon yɨpjak kaŋ, Yawe da yum kaŋakwan gen pikon arɨpmɨ dɨma abɨŋ yɨpjak.

³⁴Yawe da gak aŋpulugosak do jomjom aŋek aŋpakni yolgi. Yaŋ abi kaŋ, man madep gamɨŋakwan mɨktɨm uŋun gamgut uŋun abɨdokdɨsal. Aŋek kaŋaki amɨn yokwi paŋupbal akdɨsak.

³⁵Nak amɨn yokwi tapmɨmni madepsi kɨnda kagɨm. Sida kɨndap da kɨndap dɨwarɨ yapmaŋ mudosok, uŋun da tɨlak mɨŋat amɨnyo yapmaŋ mudagɨt.

³⁶Mani don uŋudon kɨŋek mɨni kagɨm. Nak uŋun amɨn wusɨk do pi agɨm, mani dɨma kagɨm.

³⁷Amɨn kɨlegɨ, ae gulusuŋni mɨni, ae amɨn dɨwarɨ gat yaworɨsi ekwaŋ amɨn do nandaki. Uŋun amɨn dakon dɨwatni tagɨsi egɨpdaŋ.

³⁸Mani Yawe da yokwi pakpak obɨsi paŋupbal akdɨsak. Uŋun dakon dɨwatni wagɨl tasɨk taŋ mudokdaŋ.

³⁹Yawe da amɨn kɨlegɨ yokwikon baŋ tɨmɨkdak. Jɨgɨ altaŋ yomaŋ bɨsapmon dam tebani arɨpmɨ dɨma tuwɨlɨ egɨ yomɨsak.