Kap 148:4-13

⁴Kundu kwen ason aŋkɨsiki. Pakbi kundu yapmaŋek kwensi toŋ, ji aŋkɨsini.

⁵Iyɨ yaŋakwan uŋun yo morap noman tawit, do uŋun yo morap Yawe dakon man aŋkɨsini.

⁶Uŋun yo morap wasaŋakwan tamonikon toktogɨsi tebai toŋ. Gen yagɨt uŋun dɨma pasɨljak.

⁷Mɨktɨmon yo morap toŋ, ji Yawe aŋkɨsini. Ji tap kɨlap madep madep gat, ae tap ɨdap morap ɨlarɨsi,

⁸ae mal, ae ais madep monɨŋɨyo, ae gɨkwem, ae mɨrɨm madep Yawe dakon galaktok yolgaŋ, ji kɨsi da aŋkɨsini.

⁹Ji kabap madep ae monɨŋɨ gat ae kɨndap sopmɨ toŋ ae sida kɨndap madep,

¹⁰ae joŋ kɨlap gat ae bulmakau ae yo monɨŋ morap egɨp egɨpmɨ toŋ gat ae mɨnam gat, ji kɨsisi Yawe aŋkɨsini.

¹¹Ji kɨla amɨn madep gat ae amɨn gat ae gapman gat ae kɨla amɨn morap gat,

¹²ae wɨlisok ae mɨŋatjok ae amɨn pelaŋ ae mɨŋat monjɨyo, ji kɨsisi Yawe aŋkɨsini.

¹³Uŋun kɨsi morap Yawe aŋkɨsiŋ kɨmotni. Uŋun kaloŋ gɨn mani wukwisi. Tɨlɨmni da mɨktɨm gat kundu gat yapmaŋ mudosok.