Kap 143:3-12

³Uwalno da nol aŋkɨ nɨkban maŋ mɨktɨmon pokdot. Aŋakwan amɨn kɨlɨ kɨmakgwit da arɨpmon pɨlɨn tukgwan egɨsat.

⁴Nandak nandakno upbal taŋakwan but pasol madepsi nandɨsat.

⁵Kalɨpsi egɨpgum uŋun do nandɨsat. Yo morap agɨl ae pi tagɨsi agɨl uŋun do nandak nandak tebaisi asat.

⁶Aŋpulugoki do didasat. Mɨktɨm kɨbɨrɨsi da sɨkak do nandɨsak, uŋun da arɨpmon nak gak do madepsi galak taŋ gamɨsat.

⁷Yawe, butno tapmɨmɨ mɨni aban nandɨsat, do bɨsitno nandaŋek tepmɨsi aŋpulugoki. Dɨma pasɨl nabi. Yaŋ abi kaŋ, amɨn kɨlɨ kɨmakgwit uŋun da tamokon kɨkeŋ.

⁸Egɨp egɨpno gagon tosok yaŋsi nandɨsat, do aŋpulugaŋbɨ wɨsa dagokdo gak da amɨn nin do but dasi galak taŋ nimɨsal uŋun do nandakeŋ. Nak bɨsit gayɨsat, do kosit nolɨŋbɨ uŋun naŋ kɨkeŋ.

⁹Yawe, kɨlano abi do gagon obɨsat, do uwalno da kɨsiron baŋ pulugaŋ nepbi.

¹⁰Gak Piŋkopno, do nayɨŋ dekbɨ gak dakon galaktok yolek egɨpbeŋ. Wupgo tagɨsi uŋun da mibɨltaŋ namɨŋakwan kosit kɨlegɨkon agɨpbeŋ.

¹¹Yawe, man bingo tagɨsi tosak do yokwikon naŋ pulugaŋ nepbi. Gak amɨn kɨlegɨsi, do jɨgɨ morap pasat uŋun wɨrɨrɨk nabi.

¹²Nak do but dasi galak taŋ namɨsal, do uwalno dapbɨ kɨmotni. Nak oman amɨngo, do uwalno obɨsi dapbɨ kɨmotni.