Kap 137:4-9

⁴Mani mɨktɨm dubagɨkon egek Yawe dakon kap niaŋon da tagɨ yoneŋ?

⁵Jerusalem, nak gak do ɨŋtokeŋ kaŋ, Piŋkop da nak aŋɨŋtok aban saŋbeŋek gita dɨma tɨdokeŋ.

⁶Jerusalem, nak gak do ɨŋtaŋek yo ɨsalɨ yaŋ gandaŋek yo dɨwarɨ do nandako wɨgɨni kaŋ, Piŋkop da nak melno aŋkadɨm aban kap dɨma yokeŋ dosi nandɨsat.

⁷Yawe, gak Idom amɨn da kalɨp Babilon dakon emat amɨn joŋɨkgwit uŋun do aego nandaki. Babilon amɨn da emat wamaŋek Jerusalem abɨdawit bɨsapmon Idom amɨn da gen yaŋ yawit, “Yut morapni kɨsi tuwɨl mudaŋek paŋupbal aŋ mudoni.”

⁸Babilon, nandaki. Gak tasɨk tokdɨsal. Nin do aŋpak yokwi niaŋ aŋ nimgul uŋudeŋ gɨn kobogɨ yokwisi tɨmɨtdɨsal. Kobogɨ yokwi gamjak amɨn uŋun kɨsɨk kɨsɨk tagɨ asak.

⁹Uŋun da gak dakon monjɨ monɨŋ monɨŋ tɨmɨk maban tɨpmon maŋek obɨsi tasɨk taŋek kɨmotdaŋ.