Kɔnti tife 20:22-28 in Susu

²² Isirayila ɲama naxa keli Kadesi, e naxa siga Horo geya yire.

²³ Alatala naxa a fala Munsa nun Haruna bɛ Horo geya yire, Edon xa bɔxi naaninyi ra,

²⁴ «Haruna fama nɛ a benbae lide aligiyama. A mu soma na bɔxi ma n dɛnnaxɛ fixi Isirayilakae ma, barima wo bara n ma yaamari matandi Meriba ye xa fe ra.

²⁵ I xa Haruna nun a xa di xɛmɛ Eleyasari xanin Horo geya fari.

²⁶ Mɛnni i xa sɛrɛxɛdubɛ dugie ba Haruna ma, i e ragoro a xa di xɛmɛ Eleyasari ma. Haruna laaxirama nɛ mɛnni, a fa a benbae yire li.»

²⁷ Munsa naxa a raba, alɔ Alatala a yamari ki naxɛ. E naxa te Horo geya fari Isirayilaka birin ya xɔri.

²⁸ Munsa naxa Haruna xa donmae ba a ma, a e ragoro a xa di xɛmɛ Eleyasari ma. Haruna naxa laaxira geya fari. Munsa nun Eleyasari naxa goro geya ra,

²² عِسِرَيِلَ حَمَ نَشَ كٍلِ كَدٍ سِ، عٍ نَشَ سِفَ هٌرٌ فٍيَ يِرٍ.

²³ عَلَتَلَ نَشَ عَ قَلَ مُنسَ نُن هَرُنَ بّ هٌرٌ فٍيَ يِرٍ، عٍدٌن شَ بْشِ نَانِنيِ رَ،

²⁴ «هَرُنَ قَمَ نّ عَ بٍنبَيٍ لِدٍ عَلِفِيَمَ. عَ مُ سٌمَ نَ بْشِ مَ ﭑ دّننَشّ قِشِ عِسِرَيِلَكَيٍ مَ، بَرِ مَ وٌ بَرَ ﭑ مَ يَامَرِ مَتَندِ مٍرِبَ يٍ شَ قٍ رَ.

²⁵ عِ شَ هَرُنَ نُن عَ شَ دِ شّمّ عٍلٍيَسَرِ شَنِن هٌرٌ فٍيَ قَرِ.

²⁶ مّننِ عِ شَ سّرّشّدُبّ دُفِيٍ بَ هَرُنَ مَ، عِ عٍ رَفٌرٌ عَ شَ دِ شّمّ عٍلٍيَسَرِ مَ. هَرُنَ لَاشِرَ مَ نّ مّننِ، عَ قَ عَ بٍنبَيٍ يِرٍ لِ.»

²⁷ مُنسَ نَشَ عَ رَبَ، عَلْ عَلَتَلَ عَ يَمَرِ كِ نَشّ. عٍ نَشَ تٍ هٌرٌ فٍيَ قَرِ عِسِرَيِلَكَ بِرِن يَ شْرِ.

²⁸ مُنسَ نَشَ هَرُنَ شَ دٌنمَيٍ بَ عَ مَ، عَ عٍ رَفٌرٌ عَ شَ دِ شّمّ عٍلٍيَسَرِ مَ. هَرُنَ نَشَ لَاشِرَ فٍيَ قَرِ. مُنسَ نُن عٍلٍيَسَرِ نَشَ فٌرٌ فٍيَ رَ،