1 Ngeni ewe mi emweni chon köl: Echö än Tafit köl. Üa likitü le witiwiti än ewe Samol mi Lapalap epwe alisiei. I a aüselingaei o rongorong ai siö.
2 A efieitä seni lon ewe pwang mi afeiengau, seni lon ewe pwakak, a anomuei won eu achau o anüküchara pechei pwe üsap mit.
3 A aiti ngeniei echö köl mi fö, echö kölün mwareiti ach Kot. Chomong repwe küna ei o niuokus, repwe anomu ar apilükülük won ewe Samol mi Lapalap.
4 A feiöch eman aramas a anomu an apilükülük won ewe Samol mi Lapalap, ätewe esap kul ngeni chon lamalamtekia, ika eti chokewe mi fel ngeni ekewe uluulun anümwäl.
