4 Ku xelu, xalaat kërug dëj; ku dofe, xalaat kërug puukare.
5 Déglu ku xelu di la àrtu moo gën déglu dof bu lay woy.
6 Ab dof day textexi ni dég yuy retete taal bu cin tege. Loolu it di cóolóoli neen.
7 Foqarñi kay day dofloo boroom xel, te ab ger da lay gëlëmal.
8 Fa mbir mujjee gën fa mu doore, te muñ a gën réy-réylu.
9 Bul gaawa mer; mer, xolub dof la samp këram.
10 Bul ne lu tax démb dàq tey, loolu, laaj ko du xel.
