12Huan iilhuicac ejca TOTECO monexti iixpa Gedeón huan quiilhui: ―TOTECO itztoc mohuaya huan tielis se soldado cati tahuel motemacas ipan tatehuilisti.
13Huan Gedeón quitatzintoquili: ―Sinta TOTECO itztoc tohuaya, huajca ¿para ten topanti nochi ni tamanti cati ohui? ¿Para ten amo techchihuilía nopa tiochicahualnescayot cati tohuejcapan tatahua quiijtojque quinchihuili quema quinquixti ipan tali Egipto? Ama eltoc quej TOTECO techtahuelcajtoc huan techtemactilijtoc inimaco nopa madianitame.