Juan 9:15-18

¹⁵Eshko ga fariseoga tjl̈ẽ l̈ok ba kong ga «¿Pja poptono sorë?» «Dishäng shtira Jesúsdë bor bokkwo kjing go. E irgo ga tja bokkwo shkwono, ga tja beno shäng kjok ĩk pjl̈úe» l̈e ba kong.

¹⁶Kuya l̈ok ga kjone kjone tjl̈ẽ ga «Domer l̈e l̈i, woshtozl̈ong dbaryo jneya l̇l̇ëme. Miydëy e go ga e ichaga Sbörë l̇l̇ëme» l̈e. Kjone kjone obi tjl̈ẽ ga «¿Gueniyo e l̇l̇ëbo owa shäryaga wl̈eniyo kjwe ga l̇l̇ëbo ĩydëba l̇l̇ëm wl̈eniyo shärye sorë?» l̈e. Eni ga beno l̈öng wotjl̈ĩk obl̈ë obl̈ë.

¹⁷E irgo ga tjl̈ẽno l̈ok domer poptono shäng l̈i kong obi. Tjl̈ẽ ga «Bokkwo poptono l̈i pja. ¿Eni ga bop kong ga domer l̈ëp shäng l̈i ë?» «Bor kong ga domer l̈i, e Sbö tjl̈õkwo l̈aga» l̈e ba kong.

¹⁸Kuya judío tjl̈apgaga l̈öng l̈irë ga tjl̈õkwo kjre l̇l̇ëme. E kjĩshko ga no ichara l̈ok ba dataga wl̈okjrë.