Juan 7:15-52

¹⁵Paita uias­paka, judiu­kuna iapa ujna­rispa­mi kikin­pura tapu­ri­na­kurka: —Kai runa, ¿imasa­manda­sik chi­tuku iachá, ñi pi­wapas mana iachai­kuspa­lla?

¹⁶Chi­uraka, Jesuska nirka: —Nuka kikinpa iuiai­lla­wa mana iacha­chi­na­kui­ki­chitachu. Nukata kacha­mu­wagpa iuiai­wa­mi iacha­chi­na­kui­ki­chita.

¹⁷Mai­kan­pas Taita Dius imasa munaska­sina ruran­ga­pa munag iachanga­pa­mi ka, nuka iacha­chi­kuska, Taita Diuspa iuiai­wa kagta. Mana nuka­pa iuiai­lla­wa kanchu.

¹⁸Mai­kan­pas kikinpa iuiai­lla­wa rimag, kikin­manda­lla­mi atun­ia­chi­ringa­pag­lla maskarí. Ikuti kacha­mu­wagta atun­ia­chin­ga­pa munagka, sutipa kaska­ta­mi alli­lla willá, ñi ima­pipas mana llullaspa­lla.

¹⁹¿Manachu Moisés, kam­kunapa ñugpa­manda taita­kunata Taita Dius imasa ruran­ga­pa willarka? Chasa willa­raiagpi­pas, ñi pi mana chasa ruran­gi­chi­chu. Nukataka, ¿imapatak wañu­chi­wan­ga­pa muna­na­kun­gi­chi?

²⁰Chi­ura, chipi kag­kuna ainir­ka­kuna: —Sug kuku waira iai­kuska­mi kan­gi. ¿Pi­kunatak kamta wañu­chin­ga­pa muna­nakú?

²¹Chi­uraka, Jesuska ainirka: —Nuka sug runata warda pun­cha alia­chiska­manda­mi tukui kam­kuna ujna­rin­gi­chi.

²²Moiseska, kam­kunata kasa ruranga­pa­mi nirka: pusag puncha­iug tukui kari wam­bra­kunata marka chura­chin­gi­chi. Chasa ni­raiagpi­pas, Moisés mana kalla­rig karkachu. Pai­manda mas ñugpa­manda taita­kuna­mi chasa ruran­ga­pa sakiska karka. Pusag puncha iukag­manda­mi, warda puncha kagpi­pas, kam­kuna kari wam­bra­kunata chi marka chura­chin­gi­chi.

²³Chasaka, warda puncha kagpi­pas, chi marka chura­chin­gi­chimi, Moisés imasa ni­raiaska­sina iuiaspa. Nig­pika, ¿ima­pa­tak warda puncha sug runata nuka alli­lla alia­chiska­manda, kam­kuna nuka­wa jiru iuia­na­kun­gi­chi?

²⁴Mana alli­lla iachas­pa­lla, mana ima­pas rima­na­kun­gi­chi. Maskan­gi­chi, alli­lla iuia­rispa riman­ga­pa.

²⁵Nig­pika sug­kuna Jeru­salenpi kaug­sa­na­kug, pai­pura tapu­ri­na­kurka: —¿Manachu kai runata wañu­chin­ga­pa maska­nakú?

²⁶Pai tukui­kunapa ñawipi rima­kugpi­pas, pai­taka mana ima­pas nin­kuna­chu. Nukan­chipa taita­kunaka pai­manda, ¿sutipacha Taita Dius agllaska Cristo kagta sumag­lla iuian­kuna?

²⁷Nukan­chika, paita alli­lla­mi rigsin­chi mai­manda kagta. Ikuti Taita Dius agllaska runa samun­ga­pa kagtaka, mana pipas iachan­ga­pa kan­kuna­chu mai­manda samu­kugta.

²⁸Chasa uias­paka Jesuska, Diuspa atun wasipi iacha­chi­kuspa, sin­chi kapa­rirka, kasa nispa: —¿Sutipachu kam­kuna rigsi­wan­gi­chi? Nuka mai­manda kagta, ¿sutipachu iachan­gi­chi? Nuka­pa iuiai­lla­wa mana samurka­nichu. Nukata kacha­mu­wag, mana ima­pi­pas llulla kanchu. Paitaka, kam­kuna mana rigsin­gi­chi­chu.

²⁹Nukaka, paita alli­lla­mi rigsini. Pai­pag­manda­mi samuska kani. Pai­mi kacha­mu­warka.

³⁰Jesús chasa ni­ura, muna­na­kurka paita apin­ga­pa. Pai wañun­ga­pa puncha manara chaiaska kag­manda­mi mana pipas paita apii pudir­ka­kuna.

³¹Chipi kag­kuna, achka­kuna paita suma iuia­rispa­mi kikin­pura tapu­ri­na­kurka: —Taita Dius agllaska samu­ura, ¿kai runa­manda­pas maschu suma rurai­kuna kawa­chig­samun­ga­pa ka?

³²Fari­seo­kunaka uiar­ka­kuna imasa chipi kag­kuna Jesus­manda iapa rima­na­kugta. Chi­manda pai­kuna i iaia sasir­duti­kuna, alwasil­kunata kachar­ka­kuna, Jesusta apin­ga­pa.

³³Chi­ura, Jesuska nirka: —Kuna­ura­manda, kam­kuna­wa mana unai kan­ga­pa ka­nichu. Nis­paka, nukata kacha­mu­waska­pag­ma­mi rin­ga­pa kani.

³⁴Chi­ura kam­kuna, nukata maska­waspa­pas, mana tari­wan­ga­pa kan­gi­chi­chu. Nuka maipi kaska­ma, kam­kunaka mana chaiag­rii pudin­ga­pa kan­gi­chi­chu.

³⁵Chi­ura judiu­kuna, kikin­pura tapu­ri­na­kurka: —Kai runa, ¿maimatak rin­ga­pa ka; chi­wanka, nukan­chi paita mana tarii pudin­ga­pa? ¿Manachu muna­ku, sug alpa­kunapi judiu­kuna kaug­sa­na­kuska­ma rin­ga­pa; chi­pika, mana judíu kag­kuna­ta­pas iacha­chig­rin­ga­pa?

³⁶¿Imatak ni­raiá kasa niskata: “Kam­kuna nukata maska­waspa­pas, mana tari­wan­ga­pa kan­gi­chi­chu. Nuka maipi kaska­ma, kam­kunaka mana chaiag­rii pudin­ga­pa kan­gi­chi­chu”?

³⁷Chi atun puncha­kuna­manda mas atun puncha iali­chin­ga­pa chaia­ura, Jesuska, saia­rispa, sin­chi kapa­rirka, kasa nispa: —Mai­kan­pas Taita Dius­manda iaku­naiai iukag­pika, nuka­wa samui­chi, upiag­sina ruran­ga­pa.

³⁸Ñugpa­manda librupi, kasa­mi willa­raiá: “Mai­kan­pas nukata suma iuia­wagka, paipa sungu­manda llugsispa, kaug­sa iaku­sina­mi iukan­ga­pa ka”.

³⁹Jesús chasa rimaskaka, Santu Ispi­ri­tu­manda­mi ni­kurka. Mai­kan­pas Jesusta suma iuiag­kuna, Santu Ispi­ri­tu­ta­mi chaskin­ga­pa ni­raiarka. Jesusta manara suma atun­ia­chiska kag­manda­mi Santu Ispi­ri­tuta manara kacha­muska karka.

⁴⁰Chasa uia­na­kug, mai­kan­kunaka ni­na­kurka: —Kai runa, sutipami Santu Ispi­ri­tu­wa rimag ka.

⁴¹Sug­kunaka ni­na­kurka: —Kaimi sutipa Taita Dius agllaska kan­ga­pa ka. Ikuti sug­kunaka nir­ka­kuna: —Taita Dius agllaska kag­pika, Gali­lea­manda mana kan­ga­pa kag­ta­mi ni­raiá.

⁴²Ñugpa­manda li­bru­pi, ¿manachu willa­raiá, David­pa iawar­manda, David kaug­saska Belén pui­blu­manda, Cristo kan­ga­pa kagta?

⁴³Chasaka, sug rigcha sug rig­cha­mi chipi kag­pura Jesus­manda iuia­ri­na­kurka.

⁴⁴Sug­kuna paita apin­ga­pa muna­na­kuspa­pas, ñi pipas mana tupa­rir­ka­kuna.

⁴⁵Kachaska alwasil­kunaka, iaia sasir­duti­kuna i fari­seo­kuna­pagma kutir­ka­kuna. Chaiag­ri­uraka, pai­kuna tapur­ka­kuna: —¿Imapatak mana Jesusta pusamurkan­gi­chi?

⁴⁶Chi­ura, alwasil­kuna ainir­ka­kuna: —Chasa rimai, ñi mai­kan chi runa­sina mana ima­ura­pas uiaska karkan­chi­chu.

⁴⁷Fari­seo­kunaka, pai­kunata nir­ka­kuna: —¿Kam­kuna­paschu, chi llu­llai­wa tuntia­chii tukurkan­gi­chi?

⁴⁸Judíu taita­pura i fari­seo­pura, ñi pipas paita mana uian­chi­chu.

⁴⁹Chi ianga runa­kuna, Moisés ima niskata mana iachai­kuspa­mi maldisiska kan­kuna.

⁵⁰Chi­ura Nikodemo, fari­seo­lla­ta­ta kaspa, ñugpata Jesusta rima­kuska kagka, nirka:

⁵¹—Moisés ima nukan­chita willa­raiaskapi, ¿manachu kasa ni­raiá: mai­kan runa­ta­pas, pai ima ruraska­manda mana tapu­chispa­lla i uiaspa­lla, mana justi­siai rurai pudi­rinchu?

⁵²Chi­ura ainir­ka­kuna: —¿Kam­paschu Gali­lea­manda kan­gi? Ñugpa­manda librupi iachai­kui. Kawan­kangimi, Gali­lea­manda ñi sug Santu Ispi­ri­tu­wa rimag mana llugsin­ga­pa kagta.