Juan 5:2-10

²Doen lanaw kidoen te Jerusalem doton dapag te lelebangan te kotà nekelibed te lonsod, sìyan iningedanan Lelebangan te Karniro. Iningedanan se lanaw Bitsata te menge otaw eg-ikagi te Hebreo, aw doen lima elonganan kidoen te kilid niyan.

³Medita se otaw doen mesakit eg-ogpà diyà te lima elonganan niyan, aw migtagad dan te pegpegolì kandan. Doen menge bota. Doen menge kapig. Doen heman menge otaw kenà egpekeiwal. Gayed dan migtagad te pegketigaw te wayeg kidoen,

⁴so seletà doen anghil te Timanem mebo kidoen te lanaw, aw megtigaw te wayeg kidoen. Penga niyan, aw ayas mebo se otaw diyà te wayeg, kegolian dan.

⁵Doen sebad otaw kidoen nesekitan te ketlowan pa teg walo se omay.

⁶Kimità si Jesus kandin minibat, aw netegahan din te ontò sikandin nenamay nesekitan. Mig-insà si Jesus, “Meibeg ka lay kegolian?”

⁷Timaba se otaw, “Meneng Sir, aw metigaw se wayeg, wedad otaw megsawol kanak kidoen te wayeg. Pengkey megtelaman a, meneng gayed mekeonà se doma te eked a pa dateng kidoen.”

⁸Minikagi si Jesus, “Enaw ka. Loloni se inibatan no, aw ipanaw ka.”

⁹Ketà negolian sikandin. Linolon din se inibatan din aw minipanaw. Neinang iyan te Sebado, aldaw te peg-etod.

¹⁰Yan neopalan te menge obanen te Judiyo se otaw negolian. Minikagi dan, “Seini se aldaw te peg-etod. Nekelàpang ka te punù so nengibing ka te ikam.”