Juan 21:6-12

⁶Inchene Jesúsbe trenchiptinchibig køn: —Atarrayan barcoyu kusrmaygatømay kegutsay cha. Treenchabe ñimbe wesranrrabguen— cha. Inchen nømbe atarrayan keguchibelø køn. Inchabe piyugurri atarrayan wesranrrab kaimaptinchibelø køn, peskau nu køptø.

⁷Inchene tru kusrenanøb pera unig Jesúswei undaaraibe Pedrone trenchibig køn: —¡Au, Señor køn!— cha. Inchene Pedrobe: “Señor køn” taig mørøppe, nui pala itøgueigwan wesrawa tsuig køppe, truigwan kewa, pørønab, piyu pørsraptinchibig køn.

⁸Inchen tru kusrenanøb pera uniilø kaneløbe barcon srua pubelø køn, atarrayan peskautø netsiig keetab sruar. Kaguende nømbe pi mendagurri cien metros køsrøndø waraig købig køn.

⁹Incha nømbe pirau pinaambabe, kan trøsr nag pasrai ashibelø køn, tru palabe peskauba, pirrimba warig.

¹⁰Inchen Jesúsbe trenchibig køn: —Mamdø tru ñim møi wesruim peskaumeran srua amrruy— cha.

¹¹Inchen Simón Pedrobe barcoyu nebya, atarrayan nørrø peskaumeratø ciento cincuenta y tres netsiig tøgaigwan pi mendagatig keetab srua ibig køn. Inchen maya nu kuingucha, atarrayabe kølsrømíig køn.

¹²Inchene Jesúsbe nømun trenchibig køn: —Manrrab amrruy— cha. Inchen møikkucha kusrenanøb pera uniiløbe: “¿Ñibe mu kugu?” cha payamig kørig kui inchibelø køn, kaguende nømbe Señor kui asha kua.