Juan 19:5-11

⁵muxa maiti inun tadi pauti tashipa meshu duakabi sawemabu jawen besu jimin iduma Jesús kainkidanaya Pilaton tenankatsi ikama ana jatu yuikin: —Na juni man iwexudan, uinkanwen— jatu wa

⁶uinkin Diosbe nukunabu janchaxunika xanen ibubu inun Templo mekenikabun jui kushipawen Pilato yuikin: —Cruzki mastawe! Cruzki mastawe!— akeakeabu jaska waxun atidubuma unanbiakin Pilaton jatu kaxe wakin ana yuikin: —Jawa chakabu jayamaki. Matunmebi iyuxun aditankanwen— jatu wa

⁷Diosbe nukunabu janchaxunika xanen ibubun yuikin: —Chani chakai: “En Diosun bakeki”, imiski. Diosun jancha Mosésin nuku kenexuni nun jayaki. Jaskawen taexun Dios yuankin kanemiswen taea nun yunuaiwen taeadan, jau mawanunwen— aka

⁸jaska yuiaibu ninkatan Pilato ana datekin

⁹jawen kene medan ana chintuanbain Jesús iyuxun yukakin: —¿Min janiamen?— aka Jesúsun ana jawa yuiamaken

¹⁰jaki sinatakin Pilaton ana yuikin: —¿Min ea ana jancha wamamen? En kushipawen jawa wama en mia nichintidu inun en kushipawendi en mia jatu mastamatidu, ¿min unanmamen?— aka

¹¹jaska yuiai ninkatan atimas Jesúsun kemakin: —Diosun dasibi damiwanitun mia kushipa yunuama ekidi min kushipa jayama ikeanaii. Jaskaken jabun ea achixun mianu yunuxun ea nichianbunan, jabun chakabudan, mina binuabuki, Dios sinatamakinan— aka