7 Jisasi'a eri'za vahe huzmanteno ana kvo zgafi ti ome afi viteho hige'za tina ome afi vite'naze.
8 Higeno Jisasi anage hu'ne, anampinti mago'a afita ne'zante kva hu'nea nera ome amiho, hige'za afi'za ome ami'naze.
9 Ana ne'mo tima neno keana waini ti fore higeno, igati efore hu'neo antahino keno osu'ne, (hagi tima omefi'naza vahe'moza ke'naze), kavete kva hu'nea ne'mo aravema hia ne' asmi'no,
10 maka vahe'moza pusante knare wainia tgi zamige'za kema hazage'za, aza vahe'moza netageno, anante evurami'nea waini'a tgi zamige'za nenaze. Nehazanagi kagra knare wainia ante'nanteti menina eri fore hane!
11 Agra'a kaguva avu'ava zama'a erigafa huno Jisasi'a Galili kaziga Kana kumate nehuno, Agri'a hihamu msa zama'a eri ama hige'za, Agri amage nentaza disaipol naga'mo'za Agrite zamentinti hu'naze.
12 Anama huteno Jisasi'a Kapenium urami'ne, Agrane nerera ene afuhe'zane amagema nentaza disaipol naga'anena ana kumate vu'za mago'a zgegna umani'naze.
13 Jiu vahe'ma kinafinti zamare'nea (Pasova) neza'ne knamo kofta higeno Jisasi'a Jerusale kumate mreri'ne.
14 Vuno ra mono nompi omege'neana vahe'mo'a vurimaka'ma, sipisipi'ma, maho nmane, zgo rezahe nehza vahe'moza tra omente emente hu'za maketi nehzageno ome zamage'ne.
15 Ome zamageteno nofite kno tro hiazamo ra mono nompintira sipisipi'ne vurimakane vahe'ene zamahenati'netreno zgoma re'zahema nehaza naga'mokizmi zgoa ruherafi netreno, ita zamia eriruvahe huherfi'ne.
16 Maho nmama maketima nehza vaheku, Ama nma avreta viho. Nfa'nimofo nona maketi kumara eri tro osugahaze, huno zamasmi'ne.
17 Agri amage nentaza disaipol nagamo'za, kasnampa vahe'mo'za avontafepi kre'nea kegu zamagesa antahi'naze. Amanage huno kre'ne Kagri noma kegva hu'na mani'navesizamo'a nagu'afina tusiza huno navenesie. (Sam-Zga 69:9)
18 Jiu vahe'mo'za Agriku anage hu'naze, Kagra inankna avame'za tagrira huraverisanketa negeta ama nera mrerisa nere huta hugahune?
19 Jisasi'a ana kemofo nona'a amanage hu'ne. Ama ra mono nona tgana vazitma eri haviza hinkeno tagufa zgegna manite'na azeri oti'neno, huno hige'za,
20 anante Jiu vahe'mo'za anage hu'naze, 46si'a zgegfu eri fri'za ama mono nona ki'naze. Hagi Kagra inankna hunka tagufa zge knafina kigahane?
21 Hianagi ra mono nonku'ma kema hu'neana, Agra avufa mono nonku hu'ne.
22 Anagema hu'nere, fri'nefinti'ma otige'za, Agri amage nentaza disaipol nagamo'za e'inahu zanku hu'ne hu'za zamagesa antahi'naze. Nentahi'za avon tafemo hu'nea kere ene, Jisasi'ma hu'nea nanekere zamagesa nentahi'za zamentinti hu'naze.
23 Kinafinti zamavre'nea kna antahimiza (Pasova) muse ne'zama ne'knare Jerusale mani'nege'za, hakaremo'za Agri agire zamentinti nehu'za, kaguvazama Agrama hiazana ke'naze.
24 Hu'nazanagi, Jisasi'a Agra kzigatira antahiozmi'ne. Na'ankure miko vahera Agra zamantahino zamage'ne.
