Joni 2:7-24

⁷Jisasi'a eri'za vahe huzmanteno ana kvo zgafi ti ome afi viteho hige'za tina ome afi vite'naze.

⁸Higeno Jisasi anage hu'ne, anampinti mago'a afita ne'zante kva hu'nea nera ome amiho, hige'za afi'za ome ami'naze.

⁹Ana ne'mo tima neno keana waini ti fore higeno, igati efore hu'neo antahino keno osu'ne, (hagi tima omefi'naza vahe'moza ke'naze), kavete kva hu'nea ne'mo aravema hia ne' asmi'no,

¹⁰maka vahe'moza pusante knare wainia tgi zamige'za kema hazage'za, aza vahe'moza netageno, anante evurami'nea waini'a tgi zamige'za nenaze. Nehazanagi kagra knare wainia ante'nanteti menina eri fore hane!

¹¹Agra'a kaguva avu'ava zama'a erigafa huno Jisasi'a Galili kaziga Kana kumate nehuno, Agri'a hihamu msa zama'a eri ama hige'za, Agri amage nentaza disaipol naga'mo'za Agrite zamentinti hu'naze.

¹²Anama huteno Jisasi'a Kapenium urami'ne, Agrane nerera ene afuhe'zane amagema nentaza disaipol naga'anena ana kumate vu'za mago'a zgegna umani'naze.

¹³Jiu vahe'ma kinafinti zamare'nea (Pasova) neza'ne knamo kofta higeno Jisasi'a Jerusale kumate mreri'ne.

¹⁴Vuno ra mono nompi omege'neana vahe'mo'a vurimaka'ma, sipisipi'ma, maho nmane, zgo rezahe nehza vahe'moza tra omente emente hu'za maketi nehzageno ome zamage'ne.

¹⁵Ome zamageteno nofite kno tro hiazamo ra mono nompintira sipisipi'ne vurimakane vahe'ene zamahenati'netreno zgoma re'zahema nehaza naga'mokizmi zgoa ruherafi netreno, ita zamia eriruvahe huherfi'ne.

¹⁶Maho nmama maketima nehza vaheku, Ama nma avreta viho. Nfa'nimofo nona maketi kumara eri tro osugahaze, huno zamasmi'ne.

¹⁷Agri amage nentaza disaipol nagamo'za, kasnampa vahe'mo'za avontafepi kre'nea kegu zamagesa antahi'naze. Amanage huno kre'ne Kagri noma kegva hu'na mani'navesizamo'a nagu'afina tusiza huno navenesie. (Sam-Zga 69:9)

¹⁸Jiu vahe'mo'za Agriku anage hu'naze, Kagra inankna avame'za tagrira huraverisanketa negeta ama nera mrerisa nere huta hugahune?

¹⁹Jisasi'a ana kemofo nona'a amanage hu'ne. Ama ra mono nona tgana vazitma eri haviza hinkeno tagufa zgegna manite'na azeri oti'neno, huno hige'za,

²⁰anante Jiu vahe'mo'za anage hu'naze, 46si'a zgegfu eri fri'za ama mono nona ki'naze. Hagi Kagra inankna hunka tagufa zge knafina kigahane?

²¹Hianagi ra mono nonku'ma kema hu'neana, Agra avufa mono nonku hu'ne.

²²Anagema hu'nere, fri'nefinti'ma otige'za, Agri amage nentaza disaipol nagamo'za e'inahu zanku hu'ne hu'za zamagesa antahi'naze. Nentahi'za avon tafemo hu'nea kere ene, Jisasi'ma hu'nea nanekere zamagesa nentahi'za zamentinti hu'naze.

²³Kinafinti zamavre'nea kna antahimiza (Pasova) muse ne'zama ne'knare Jerusale mani'nege'za, hakaremo'za Agri agire zamentinti nehu'za, kaguvazama Agrama hiazana ke'naze.

²⁴Hu'nazanagi, Jisasi'a Agra kzigatira antahiozmi'ne. Na'ankure miko vahera Agra zamantahino zamage'ne.