Jon 9:32-36

³²M̃itipatun renge daron nga Atua muloli iel ngatan e mijpari lelingen ngel, setewor arunge jinibb san ololi m̃er nga m̃iak ko meten murrorr oklu luwi, ejki rres nawon.

³³Poro m̃erel sete pivi se Atua, ko sete orongwose rragrrage puloli nanu pisan!”

³⁴Nir arwera lweni tevi, “Aro, nik kuak renge nololien, ko kuloli nololien tetajer malum, ko kuwra kupvisviseni kem?” Ko arwirr tweni ni renge naim gortien ser.

³⁵Iesu ornge nga marwirr tweni m̃ernen renge naim gortien ser pa. Mian ko eskai ko owrai tevi, “Nik kuosuri Jinibb Mawos?”

³⁶Ko ni owrai lweni tevi, “Numal, isi ko, nga poro inu bosuri renge ni?”