Jon 9:19-23

¹⁹Lato kamei lalu, “Tel seilon ien, i natumulu? Nakon i tetel amulu ukek hoi i takahama pulaxa? Ape lahan ka i paxapax?”

²⁰Tel taman ma tel tinan kak ukek, “I se natumili. Salan hoi i takahama pulaxa.

²¹Tuahe amili kum tioi i sohot ukek ia. Amili kum tioi aita haewia pulan. I ape lalap, i pon tukei awan. Kameiwa i!”

²²Lalu kak ukek ien nake lalu mamata teka masiwi ti teka Ju. Lalu tioi lato ailewen namil ka na tel seilon i ukek Jises se Krais, lato xaxaweni tamusuke i ti synagog.

²³Nake ti tenen ien lalu ukek, “I ape lalap, i pon tukei awan. Kameiwa i.”