Jon 6:8-11

⁸Ali anudak ananu Jisas ananinamu disaipel Andru douk nanu Saimon Pita amam sanyowan uli nakli,

⁹“Ananu chokunali neyotu agundak uli douk noluk bias chokusi yelbus sanu 5-poleitu chokutali balitu bret. Ali echebuk douk chopuk eke chunek moneken gipiya umu echudak wolobaichi elpech?”

¹⁰Ali Jisas naklipapu nakli, “Klipech chupe atap.” Agnabuk douk wolobaipi wichap patoglu ali chanatimaguk chabih chape. Wolobaichumali, almam atum umu douk hanubu wolobaimi 5,000-poleim.

¹¹Douk chabih chapemu julug, ali Jisas nohul bret nahwotu nenek tenkyumu God ali nape neyaisatu nekech. Neyaisatamech umu julug, ali asudak bias yelbus douk nosuhul nenek namudak ati. Ali echech chanatimaguk chachah aliga dugolech uli atich.