Jon 6:49-55

⁴⁹Ami kaekiki mau warere kamonai mana ikani, ma kegha da irukwamakai.

⁵⁰Ma vavai kunumai ioru na namada inekiibau wike. Wawaya ina kani na ke ina rukwa.

⁵¹Yawasa vaghata vavina kunumai ioru na taku. Wawaya weni vavina ina kani na ina makii nonowa. Weni vavina na taku viyoku, tuna na yawasa parawina, ana verena da wawaya yawasa vaghata ina panani.”

⁵²Ma Jiu babadisi nuwanuwasi ipughu da ti mani kamosiyai ivonavonakunukunura bo, “Ikikava weni tomowina viyona ina vereta da takani?”

⁵³Ma Yesu ivonesi bo, “Vonavaghata avonavonemi da Wawaya Natusi viyona ke kona kani ma tarana ke konumai na yawasa gwabimiyai kegha.

⁵⁴Iyavo kava viyoku ekanikani ma taraku eumumai na yawasa makamakii nonowina gwabisiyai ma bade mara damonai na ana berai da rabobowai ina vomiiri,

⁵⁵iyamna viyoku na vavai vaghata ma taraku na okowa vaghata.