3Na Jisas i go antap long maunten na i sindaun wantaim ol disaipel bilong en.
4Long dispela taim bikpela de bilong ol Juda klostu i laik kamap, em Bikpela De Bilong Tingim De God I Larim Ol Israel I Stap Gut.
5Jisas i lukluk nabaut na i lukim bikpela lain manmeri i kam long em. Na em i askim Filip olsem, “Bai yumi baim bret we bilong ol dispela manmeri i ken kaikai?”
6Em i mekim dispela tok bilong traim Filip tasol. Em yet i save pinis long samting em i laik mekim.