Jon 6:28-34

²⁸Meve me gumbe waya, “God nauwawa atan oya nu divi aton?”

²⁹Iesu gara mu gumbo wane, “God nauwawa me mame. Me baraune onnewa gumbe ye anotumat ayawa.”

³⁰Meve mu me gumbe waya, “Nu yaug ge gungap anotumat atan oya dimbae irakoniwa nuna? Matai dimbae a?

³¹Nu wagonaiwa at inguiwa arawa apa manna naya. Me meib tene, ‘Me bredi kwimin apa onnewa munne naya.’”

³²Iesu mu gumbo wane, “Ne gae natawa ye diruieni. Bredi kwimin apa onne sira ye yennewa me Mosisi onan. Megara Mamanwa bredi natawa kwimin apa ye yempe.

³³Kuiyawa God bredi meuma me kwimin apa uwag at piyu gumbe inaiinai wampe.”

³⁴Meve waya, “Kokawa, kum evedni bredi mame nunigima.”