16Long apinun ol disaipel bilong Jisas i go daun long raunwara.
17Ol i kalap long wanpela bot na ol i brukim raunwara i go. Ol i laik i go long Kaperneam. Em i tudak pinis, na Jisas i no kamap yet long ol.
18Strongpela win i kamap, na win i mekim bikpela si i kirap.
19Ol i pul long bot i go inap 5-pela o 6-pela kilomita, na ol i lukim Jisas i wokabaut antap long raunwara na i kamap klostu long bot. Ol i pret,
20tasol Jisas i tokim ol, “Em mi yet mi kam. Yupela i no ken pret.”
21Orait ol i amamas long kisim em i kam insait long bot, na wantu bot i kamap long dispela ples ol i go long en.