Jon 6:13-19

¹³Mêgem he kɨtuc myapɨpu wê xomxo ya dɨ i dô gee mɨ su vac sepac vɨgê yuu dɨ tô mɨ la yuu mɨ i pup lec.

¹⁴Xomxo tigee yê do levac wê Yesu vông ge om nêl ên nêbê, “Plopet ti wê he nêb ob lam kɨbun ge, tyo tiga vɨxôhɨlôg nôn.”

¹⁵Mêd Yesu xovô wê he nêb he ob hôm i xôn dɨ vông i tu he nên king ge, om sea he dɨ ici va lax mɨ la lec kɨtôn.

¹⁶Vɨgwe huc dɨ Yesu nue ngɨvihi lop mɨ la mia luaên nɨnya,

¹⁷dɨ lec la lec dipac ti dɨ la, ên nêb ob lax mɨ la Kapaneam wê yêp mia luaên vɨlu ganê. Dɨ vɨgwe buc lêc Yesu o mɨla vô he decdec lêm.

¹⁸Mêd lea levac ti val om vông mia vô mahɨlevac xocbê ob kɨpyax he vac,

¹⁹om he hɨsoo mia mɨ la mahɨgun dia tya tɨyi xocbê 5 kilomita ge, lêc he yê wê Yesu lam lec mia kɨsii mɨ val kwabo vô dipac ge om he xonamabu.