Jon 5:5-9

⁵Sina mane tadia na komi tinoni kena mono ngengeni, imanea ke vahaghi e tolu hangavulu me alu na vinogha ghohi.

⁶Kori vido a Jisas ke reghia me adoa imanea ke hau ghohi na vahaghigna, imanea ke huatiagna, “Ighoe ko magnahaghinia na tonomu keda toke tabiru?”

⁷Imanea ke haghore tughua a Jisas, “Mane puhi, e vahotha puala eigna e teo sa tinoni bali hatiu horu kori maha bea kori vido ke gneognebo. Leuleghu maghavu ku pipilia na vano horu kori bea, na tinoni tavogha ke kidi horu nigna ghohi.”

⁸Gi a Jisas ke ania, “Sokara hadi mo hatia na mathamu mo taveti!”

⁹Kori vido vamua iangeni, imanea ke toke tabiru. Me hatia na mathagna me taveti. Na dani a Jisas ke eia na reghithehe iaani, na Sabat.