Jon 5:26-28

²⁶Hoing at mon no ana Sus no burena no nilon, kaik gaam tar no dadas tano Natine bia aie mah no burena tano nilon.

²⁷Ma nana Sus i te tar no dadas tana wara harkurai, kanong no Natine Nong a Tunotunoi.

²⁸“Waak muat karup ta kaiken. No pakana bung i hanhanuat bia ira minaat bakut diet na hadade no ingana, ma diet na taman tut sukun ira midi. Diet ing diet git gilgil ra tahut, diet na tut hut tupas ra nilon. Iesen diet ing diet git gilgil ra sakena, diet na tut hut, ma diet na tur ra harkurai.