John 7:42-48

⁴²Akngey-kenh angka alakenh aynteyel: ‘Christ ra atyetyart David-they apetyem. Christ ra ilkwerrey-areny David-kenh apmer-itwek Bethlehem-itwek.’ Bethlehem-itwek atyetyart David anenh awank-akerr.”

⁴³Alakenh rernem ilterrenh, ament-rnem. Ingwer-rnem Jesus-ek awelhenh, ingwer-rnem awelhey-angenh.

⁴⁴Ingwer-rnemel Jesus renh angwarenh, renh anterrkwetyek. Arrangkw-antey, rernem renh antwerrkey-angenh-antey.

⁴⁵Ikwer-penhan iltyemwerney-rnem arrangkw-antey alpek-anem tyaty-areny ilkwernem-warl Pharisee-rnem-warl-then, anterrkwey-angenh-antey. Atyetyart-rnemel renh-rnem ayernek. “Arrantherr Jesus nhenh-warl akngetyey-angenh?”

⁴⁶Iltyemwerney rernem tyernek, “Nthakenh anwantherr renh antwerrkey-angenh, rarl arraty-angkwarr angkenh. Aleyant anwantherr awek! Artwa ingwerenty ikwer-apeny angkey-angenh.”

⁴⁷Pharisee-el-rnem renh-rnem ilek, “Ra arrenhantherr ilpertelhilek angka apmwewarl, ingwer-rnem ilpertelhilek-apeny!

⁴⁸Pharisee-rnem atyetyart-rnem-then anwernantherr ikwer awelhey-angenharl, renh tnakey-angenh, mentyaw!”