John 7:41-49

⁴¹Edo embo nenei mi sisera, “Umone God mi embo itari bugarase sisira embo awa ra.” Awarate embo nenei mi sisera, “God mi embo itari bugarase sisira embo amone Galilee embo ae ra.

⁴²Edo jiwari mi sira embo God mi itari bugarase sisira embo amone David da orobe ra. Edo uso ai mi umone David atima isira nati Bethlehem ainda ainda burisira.”

⁴³Awasedo embo jiwae be Iesu mo averi awa ge da sae edo kotari ewoga kawoga isera.

⁴⁴Edo embo nenei umo bundari dipapa isera te ungo ungoda ingo mi umo jigari awa sago ae isera.

⁴⁵Awasedo isoro embobo engenembedo priest babojegari de Pharisee embobo de da yei mambero ungo mi nganega isera, “Roedo umo budo bugae etevi?”

⁴⁶Setero isoro embobo mi mina sisera, “Embo emone embo nenei awodo ae ra. Edo embo nenei embo emimi ge sira awodo awa sae edo era.”

⁴⁷Setero Pharisee embobo mi ungoda yei nganega isera, “Embo amimi ingo gandubetira awase ingo embo awa ge be evi ta rora?

⁴⁸Edo ingo gitijigari da ta Pharisee embo da ta awa embo awa ge be eoro gido evi ta?

⁴⁹Edo embobo eiawa ungo Moses da agodari gae awasedo God mi ungo kasadira.”