John 20:7-14

⁷ac nuknuk se ma sang pwelah insifen Jesus ah — tia wi nuknuk linen uh oan, a limlimla na oan saya.

⁸Na mwet lutlut se ngia ma sun kulyuk ah meet, el utyak pac nu in luf uh. El liye ac lulalfongi. (

⁹Eltal soenna kalem ke Ma Simusla ma fahk mu el enenu na in moulyak liki misa.)

¹⁰Na mwet lutlut luo ah folokla nu lohm seltal ah.

¹¹Mary el tu na tung likin kulyuk ah. Ke el srakna tung, el suwoli ac ngetang nu in luf sac,

¹²ac liyauk lipufan luo nuknuk fasrfasr. Eltal muta yen se ma monin Jesus tuh oan we ah, sie ke acn sifal oan we, ac sie ke acn nial oan we.

¹³Eltal siyuk sel, “Mutan, efu kom ku tung?” Mary el topuk ac fahk, “Elos usalla Leum luk, ac nga tia etu acn elos fililya we!”

¹⁴Na el tapulla ac liyalak Jesus tu insac, tusruktu el tiana akilen lah Jesus.