Johannes 8:18-22

¹⁸Ngang üa pwärätä usun püsin ngang, nge ewe Sam mi tinieito a pwal pwärätä usi.”

¹⁹Mürin ra aisini, “Ia semom a nom ie?” Jesus a pölüeniir, “Ämi ousap sileei are silei Semei. Are oupwe sileei, oupwe pwal silei Semei.”

²⁰Ekei kapas Jesus a aea lupwen a afalafal lon ewe imwenfel, lon ewe leni ia ekewe lenien asor ra nom ie. Iwe, esap wor eman a turufi, pun esap tori mwo an fansoun.

²¹Iwe, Jesus a kapassefäl ngeniir, “Ngang üpwe feila. Ämi oupwe küttaei, nge oupwe mäla lon ämi tipis. Ousap tongeni feila ia üpwe feila ie.”

²²Iei mine ekewe nöüwisen chon Juta ra apasa, “A üra pwe sisap tongeni feila ia i epwe feila ie. Ifa usun, wewen ei pwe epwe püsin niela?”