39 Lau Samaria taêsam aŋga malac tonaŋ sêkêŋ gêwiŋ eŋ kêtu biŋ, taŋ awê kêsôm lasê gêdêŋ êsêac naŋŋa gebe “Eŋ kêsôm aêŋoc gêŋ, taŋ gagôm naŋ, samob gêdêŋ aê.”
40 Amboac tonaŋ lau Samaria dêdêŋ eŋ sêja ma teteŋ eŋ gebe êmoa êwiŋ êsêac. Tec eŋ gêmoa gamêŋ tonaŋ kêtôm bêc luagêc.
41 Lau taêsam kêlêlêc sêkêŋ gêwiŋ eŋ kêtu eŋ tau nê biŋŋa,
42 ma sêsôm gêdêŋ awê tau gebe “Aêac akêŋ gêwiŋ kêtu aômnêm biŋŋageŋ atom, gebe aêac tauŋ aŋô to ajalagac gebe ŋac tecenec kêtu ŋamalac samob nêŋ kêsiwaga biŋŋanô.”
43 Bêc luagêc tonaŋ gêjaŋa, go Jesu gêdi aŋga tonaŋ gêja Galilaia.
44 Eŋ tau tec kêsôm lasê gebe “Propete teŋ oc tetoc eŋ sa aŋga tau nê malac atom.”
