João 4:46-51

⁴⁶Jesus o'jepit Caná ka kay―idibi o'timuwexat uva'abidim iat ka kay. Caná ka Galiléia eipi be o'sukadop. Ipi kukat ebekit ig̃oka be osunuy―Caná ka be. Ixe ipot iwãtaxipi jĩjã osunuy. Po'i osunuy ipot Cafarnaum ka be. Oe'ũ pin ipot jewãtaxipiap pibun.

⁴⁷— Jesus oajẽm ijoce, adeayũ o'e ipi kukat ebekit pe. Oajẽm Judéia eipi bewi — io'e ip cebe. Ipi kukat ebekit o'ju Jesus kay. Jay. Oajẽm. — Ejot cuy oduk'a be — io'e. — Okpot eg̃u'ada! — io'e Jesus pe. — Oe'ũ pin okpot — io'e.

⁴⁸— Deus ja'õbacaap mõg̃mõg̃ap coco'ũm puje, kuka eyetabut g̃u epe'e okay — io'e Jesus — wuywebe i'e ba'oreat mubapukpukap coco'ũm puje dak.

⁴⁹— Kariwa — io'e. — Ejot cuy okpot e'ũ awap — io'e.

⁵⁰— Ecepit cuy eduk'a be — io'e Jesus. — Ekpot kuy o'je'ada. Oe'ũ g̃u — io'e. Iwãtaxipi topibit ebay itabut o'e Jesus a'õ kay. Aripit. O'jepit jeduk'a kay. Jesus eju g̃u o'jepit―jag̃epũg̃ ma.

⁵¹Jeduk'a be kapikpik'ukayũ ixe o'topabijuk e dag̃―jeduk'a be yajẽm pima. — Ekpot oe'ũ g̃u — io'e ip. — O'je'ada jĩjã — io'e ip cebay be.