João 21:20-24

²⁰Morarame tỹkakoxi tõsenuhmase Peturu. Jezu enuru zamaro exikety tonese eya. Jezu orihpyra ro ahtao eponaro aexihpyry kynexine Jezu a otuhtoh po. Ynara kahpõ kynexine Jezu a, “Onoky mokyro owokatõme,” kahpõ kynexine, Jezu orihpyra ro ahtao.

²¹Mokyro eneryke tyya ynara tykase Peturu Jezu a, —Mose ke? Otara mosero exĩko nae? tykase ynororo tõturupose.

²²Ynara tykase Jezu eya, —Aorikyry se pyra jahtao joepyry ropa momohnõko mana. Oty katoh oturupõko ma ipohko? Eropa hkoty, tykase Jezu eya.

²³Morara exiryke moro poko tõturuse toto, Jezu poetory tomo, —Otarãme orihpyra mokyro mana Jezu oepyry ropa ponãmero, tykase toh repe ipoko. Yrome, “Orihpyra mokyro mana,” kara Jezu toehse. Ynara tykase rokene, “Aorikyry se pyra jahtao joepyry ropa momohnõko mana,” tykase rokẽ ynororo.

²⁴Ywy ase Jezu poetory. Morara exiryke moro poko ymerono onenerykõme. Ynymerohpyry waro matose, zae jexiry waro roropa matose.