Jan Laabaalihamo 10:5-26 in Gourmanchéma

⁵ Bi kan hoadi caano, ama bi baa sani ki foagidi okani, kelima baa bani bi canba niali.

⁶ Jesu den puaba laa kpanjama, ama baa den bandi wan maadi ba yaala yaa maama.

⁷ Jesu go den yedi ba: N yedi yi imoamoani mini n tie bu buliñoabu ipe po.

⁸ Yaaba n den kpa cua ke n daa cua kuli tie sugida leni sanjabe, ama ipe ki den cengi ba.

⁹ Mini n tie bu buliñoabu. Yua n kua n kani kuli baa faabi o baa koa ki go ña ki baadi mi jiema.

¹⁰ O sugido cua ki bua ki su, ki kodi, ki bolini, ama mini n cua ke ipe n ba li miali ki ya pia li bonla kuli ke li dagidi bi po.

¹¹ Mini n tie o yankpaahamo. O yankpaahamo puuni omiali ope po.

¹² Ama o tuonsoanlo yua n ki die ipe, waa tie yankpaahamo, o ya laa ke ofuasangbanlo kpendi, o baa sani ki ha ipe. O fuasangbanlo baa cuo bi tianba ki yadi yaaba n sieni.

¹³ O tuonsoanlo baa sani kelima waa die ipe, lanyaapo waa yagini o yama ipe. Mini n tie oyankpaahamo.

¹⁴ N bani n pe, n pe mo bani nni.

¹⁵ Nani Baa n bani nni, ke n moko bani Baa maama, n puuni n miali n pe po.

¹⁶ N pia yaa pe n kaa ye li naa yanloli nni, n baa cuani bani moko, bi baa gbadi n nialu, n baa pia yangoyenli leni yankpaayendo.

¹⁷ Baa bua nni, kelima n puuni n miali, ki go baa guani ki gaa n cili.

¹⁸ O bakuli kanfie nni li, n pia upaalu ki baa pali, n go pia upaalu ki baa gaali, lani tie min den baa yaa ñoabonli n Baa kani.

¹⁹ Mi paadima go den tieni Jufinba siiga kelima laa maama po.

²⁰ Bi siiga boncianla den tua: O pia ki cicibiadiga, o gaade, be yaapo ke yi cengi o?

²¹ Bi tianba den tua: Cicibiadiga ka, cicibiadiga ba fidi ki nuadi juama?

²² Li den tie ku fawaagu yogunu, ke bi jaani yaa jaanma n yi U Tienu diegu gagidima jaanma Jelusalema po.

²³ Jesu den cuoni ki gaandi U Tienu diegu nni, Salimono ciagu tinga.

²⁴ Jufinba den taani ki lindi o, ki yedi o: Hali u laa yogunu yo ke a baa waani ti, ti yama n duani? A ya tie U Tienu n gandi yua han kadi ki waani ti.

²⁵ Jesu den guani ki yedi ba: N waani yi, ama yii daani, min tuuni ya tuona, n Baa yeli nni tiendi n po siedi.

²⁶ Ama yii daani kelima yii tie min die yaa pe siigs yaaba.

⁵ B kan tuo ŋɔdi caani. b bo sani mɔno k fagdi o kani k dugni baa bani o lantɔgu.

⁶ Jesu bo pua'b l makpanjama i ama b nan bo gbadi l niimn i

⁷ Jesu bo guani k maadi lani «yeni i mɔni n maad'i mi tie l yandeli diñɔbi

⁸ yaabi kpia baa yeni kuli tie suuda yeni bibiadnmi ama i pei naa sogi b maama.

⁹ Mi tie o diñɔbi yua kua n kani kuli, u faabi u ba n yeni. u baa fidi k ya kua k gɔ ña k laadi u jiema k di

¹⁰ Suudi wan baadi k wan su i, k kodi k gɔ biidi; mini wan baa k ban baa l miali yeni i mɔni k gɔ yaa ye t mandi n i.

¹¹ Min tie u yankpaamɔni. U yankpaamɔn yi taa u miali k lu i u pei po i.

¹² ama ya nukpalo k tie yankpaali, kaa die yandi, ya la k o yangbanli baadi, u bo ñɔli i pei k sani u yangbanl n baa kua i pei siign i k yaam bi

¹³ u yi sani k dungn i u tuuni i ligi po i. i pei k tie bonli u kani.

¹⁴ Min tie yankpaamɔni n bani i pei k pei mɔ gɔ ban'ni

¹⁵ Nani n baa n ban'n i k mɔ gɔ bani n baa yeni, n bo luni n miali k fie n pei

¹⁶ n gɔ pia pe tɔbi k baa tie n yandeli n i yaabi l waani k min kpaa b ban mɔyi, b mɔ bo sogi m maam k ban kuli n ji taani k yaaa tie yandeyendu n pei k yaa pia yankpaa yendi.

¹⁷ N baa buam n i k u lugd'n, n bo lu n mial k gɔ guani k gaa l miali

¹⁸ Nul kaa bo fie n mial, n yantiali k bo lu n mial, n gɔ pia yiko yua k bo fid fidi guan k gaa l miali. n baa ṅ maadi k min tuni yaali n yeni.

¹⁹ Jesu n maadi yeni k l cua yeni u ñɔniagu sufi nba yudamba siiga n i.

²⁰ B siiga n i boncianli bo yedi k pola n ŋua'ug, k u tie gaadi. k be yaa po i k sogi u maam i?

²¹ K b tɔbi yedi k a pola n ŋua yua k maadi nandi ne kaa, k sanpol bo fidi cedi juama n nuaal ii?

²² Sufi nba bo dini jaama yua k b yi guani tiadi o jaanddeciangu ŋanma po yeni l bo tie o fawaapiegu yognu i

²³ k Jesu ye o jaanddeciangu n i, Salomɔni ciagu n i. k cuoni k caa k gɔ k lebi.

²⁴ K jufi nba yudama gobi k kaalind'o k bual'o yaa caa yeni be yaa daali k gɔ bo cedi tin maal mlele i a po i? A yaa tie kristo nan kadi maadi 'ti

²⁵ K Jesu ŋmiam 'i «m maadi no k i k tuo? M tuuni o yaalidigu tuona yaali n baa yeli po, l wangi min tie yua.

²⁶ Ama yim k tuo k l tie mɔni kelima i k tie n yandel n pei.