Isirayila Mangɛe I 7:5-20 in Susu

⁵ Naadɛ saxan fan nu na wundɛrie ya tagi.

⁶ Buntunyi nu na naxan xa kuyɛ ɲɔngɔn ya tongo suuli lima, a igboe ɲɔngɔn ya tongo saxan.

⁷ Banxi pala naxan fan nu yailanxi sɛdiri wuri ra keli a gbata ma han fuge, nan nu findixi a xa kiiti sade ra.

⁸ A banxi gbɛtɛ ti nɛ na xanbi ra a nu luma dɛnnaxɛ. A a yailan alɔ boore. Na xanbi ra, a naxa banxi gbɛtɛ ti Firawuna xa di ginɛ bɛ a naxan dɔxɔ.

⁹ Nee birin ti gɛmɛ masolixie nan na naxee xabaxi sɛra ra a kui nun a fari, kelife a bunyi ma han fuge.

¹⁰ Banxi sanbunyi dɔxɔ gɛmɛ tofanyi xungbee nan na, naxee xabaxi ɲɔngɔn ya fu xa na mu a ra ɲɔngɔn ya solomasaxan ma.

¹¹ A fuge ra, sɛdiri wuri nun gɛmɛ tofanyie nu na naxee xabaxi a fanyi ra.

¹² Na tɛtɛ xungbe nu yailanxi gɛmɛ xabaxi safɛ saxan na, sɛdiri wuri fan nu saxi na fari, alɔ Alatala xa banxi nun a gbutunyi.

¹³ Mangɛ Sulemani naxa mixi nde fen Tire, naxan xili Xirami.

¹⁴ Kaaɲɛ ginɛ nde xa di nan nu a ra fatanfe Nafatali bɔnsɔɛ ra. Tireka nan nu a Baba ra, naxan nu wure gbeeli rawalima. A lɔnnixi, a xaxili fan, a fata wure gbeeli rawalide a mɔɔli birin na. A siga nɛ mangɛ Sulemani yire, a na wali mɔɔli raba.

¹⁵ A kinki firin xabu wure gbeeli ra, naxee ite ɲɔngɔn ya fu nun solomasaxan, naxee xa radigilinyi lanxi ɲɔngɔn ya fu nun firin ma.

¹⁶ A xunyi firin xabu na kinki firinyie bɛ, naxee ite ɲɔngɔn ya suuli.

¹⁷ A se raxunmase fu nun naani xabu na xunyi firinyie bɛ, xunyi keren solofere.

¹⁸ A mangoe bogi maniyɛe yailan safɛ firin na na se raxunmase radɔxɔxi firinyie ma.

¹⁹ A fuge maniyɛe masoli na kinki xunyi firinyie ma naxee nu na buntunyi ra. E ite ɲɔngɔn ya naani.

²⁰ A mangoe bogi maniyɛe kɛmɛ firin masoli na kinki xunyi firinyie ma.

⁵ نَادّ سَشَن قَن نُ نَ وُندّرِيٍ يَ تَفِ.

⁶ بُنتُنيِ نُ نَ نَشَن شَ كُيّ حْنفْن يَ تٌنفٌ سُولِ لِمَ، عَ عِفبٌي حْنفْن يَ تٌنفٌ سَشَن.

⁷ بَنشِ ثَلَ نَشَن قَن نُ يَءِلَنشِ سّدِرِ وُرِ رَ كٍلِ عَ فبَتَ مَ هَن قُفٍ، نَن نُ قِندِشِ عَ شَ كِيتِ سَدٍ رَ.

⁸ عَ بَنشِ فبّتّ تِ نّ نَ شَنبِ رَ عَ نُ لُمَ دّننَشّ. عَ عَ يَءِلَن عَلْ بٌورٍ. نَ شَنبِ رَ، عَ نَشَ بَنشِ فبّتّ تِ قِرَوُنَ شَ دِ فِنّ بّ عَ نَشَن دْشْ.

⁹ نٍيٍ بِرِن تِ فّمّ مَسٌلِشِيٍ نَن نَ نَشٍيٍ شَبَشِ سّرَ رَ عَ كُي نُن عَ قَرِ، كٍلِقٍ عَ بُنيِ مَ هَن قُفٍ.

¹⁰ بَنشِ سَنبُنيِ دْشْ فّمّ تٌقَنيِ شُنفبٍيٍ نَن نَ، نَشٍيٍ شَبَشِ حْنفْن يَ قُ شَ نَ مُ عَ رَ حْنفْن يَ سٌلٌمَسَشَن مَ.

¹¹ عَ قُفٍ رَ، سّدِرِ وُرِ نُن فّمّ تٌقَنيِيٍ نُ نَ نَشٍيٍ شَبَشِ عَ قَنيِ رَ.

¹² نَ تّتّ شُنفبٍ نُ يَءِلَنشِ فّمّ شَبَشِ سَقّ سَشَن نَ، سّدِرِ وُرِ قَن نُ سَشِ نَ قَرِ، عَلْ عَلَتَلَ شَ بَنشِ نُن عَ فبُتُنيِ.

¹³ مَنفّ سُلٍمَنِ نَشَ مِشِ ندٍ قٍن تِرٍ، نَشَن شِلِ شِرَ مِ.

¹⁴ كَاحّ فِنّ ندٍ شَ دِ نَن نُ عَ رَ قَتَنقٍ نَقَتَلِ بْنسْي رَ. تِرٍكَ نَن نُ عَ بَبَ رَ، نَشَن نُ وُرٍ فبٍيلِ رَوَلِمَ. عَ لْننِشِ، عَ شَشِلِ قَن، عَ قَتَ وُرٍ فبٍيلِ رَوَلِدٍ عَ مْولِ بِرِن نَ. عَ سِفَ نّ مَنفّ سُلٍمَنِ يِرٍ، عَ نَ وَلِ مْولِ رَبَ.

¹⁵ عَ كِنكِ قِرِن شَبُ وُرٍ فبٍيلِ رَ، نَشٍيٍ عِتٍ حْنفْن يَ قُ نُن سٌلٌمَسَشَن، نَشٍيٍ شَ رَدِفِلِنيِ لَنشِ حْنفْن يَ قُ نُن قِرِن مَ.

¹⁶ عَ شُنيِ قِرِن شَبُ نَ كِنكِ قِرِنيِيٍ بّ، نَشٍيٍ عِتٍ حْنفْن يَ سُولِ.

¹⁷ عَ سٍ رَشُنمَسٍ قُ نُن نَانِ شَبُ نَ شُنيِ قِرِنيِيٍ بّ، شُنيِ كٍرٍن سٌلٌقٍرٍ.

¹⁸ عَ مَنفٌي بٌفِ مَنِيّيٍ يَءِلَن سَقّ قِرِن نَ نَ سٍ رَشُنمَسٍ رَدْشْشِ قِرِنيِيٍ مَ.

¹⁹ عَ قُفٍ مَنِيّيٍ مَسٌلِ نَ كِنكِ شُنيِ قِرِنيِيٍ مَ نَشٍيٍ نُ نَ بُنتُنيِ رَ. عٍ عِتٍ حْنفْن يَ نَانِ.

²⁰ عَ مَنفٌي بٌفِ مَنِيّيٍ كّمّ قِرِن مَسٌلِ نَ كِنكِ شُنيِ قِرِنيِيٍ مَ.