Isirayila Mangɛe I 22:47-53 in Susu

⁴⁷ A naxa tɔnyi dɔxɔ langoe xa wali ma kuye batudee, naxee nu na kabi a baba Asa waxati.

⁴⁸ Mangɛ nu na Edon, Yudaya mangɛ gomina nde nan ti naa.

⁴⁹ Yehosafati naxa kunkuie yailan Tarasisi, alako e xa siga xɛɛma fende Ofiri, kɔnɔ kunkuie naxa kana Esiyon Geberi.

⁵⁰ Na kui Akabu xa di Axasiya naxa a fala Yehosafati bɛ, «N ma mixie nun i i xa mixie birin xa siga na wali rabade kunkuie kui.» Kɔnɔ Yehosafati mu tin na fe ra.

⁵¹ Yehosafati naxa bɛlɛ a benbae fɛ ma, a ragata a benba Dawuda xa taa kui. A xa di Yehorami naxa ti mangɛ ra a ɲɔxɔɛ ra.

⁵² Akabu xa di Axasiya naxa findi mangɛ ra Samari, Isirayila bɔxi xun ma, Yudaya mangɛ Yehosafati xa mangɛya ɲɛ fu nun solofere nde ra. A bu nɛ mangɛya kui ɲɛ firin Isirayila xun ma.

⁵³ A naxa fe raba, naxan mu rafan Alatala ma, a naxa a ɲɛrɛ a baba nun a nga xa kira xɔn ma. A naxa fe raba alɔ Nebati xa di Yerobowami, naxan a niya Isirayila birin xa yunubi raba.

⁴⁷ عَ نَشَ تْنيِ دْشْ لَنفٌي شَ وَلِ مَ كُيٍ بَتُدٍيٍ، نَشٍيٍ نُ نَ كَبِ عَ بَبَ عَسَ وَشَتِ.

⁴⁸ مَنفّ نُ نَ عٍدٌن، يُدَيَ مَنفّ فٌمِنَ ندٍ نَن تِ نَا.

⁴⁹ يٍهٌسَقَتِ نَشَ كُنكُييٍ يَءِلَن تَرَ سِسِ، عَلَكٌ عٍ شَ سِفَ شّيمَ قٍندٍ عٌقِرِ، كْنْ كُنكُييٍ نَشَ كَنَ عٍسِيٌن فٍبٍرِ.

⁵⁰ نَ كُي عَكَبُ شَ دِ عَشَسِيَ نَشَ عَ قَلَ يٍهٌسَقَتِ بّ، «ﭑ مَ مِشِيٍ نُن عِ عِ شَ مِشِيٍ بِرِن شَ سِفَ نَ وَلِ رَبَدٍ كُنكُييٍ كُي.» كْنْ يٍهٌسَقَتِ مُ تِن نَ قٍ رَ.

⁵¹ يٍهٌسَقَتِ نَشَ بّلّ عَ بٍنبَيٍ قّ مَ، عَ رَفَتَ عَ بٍنبَ دَوُدَ شَ تَا كُي. عَ شَ دِ يٍهٌرَ مِ نَشَ تِ مَنفّ رَ عَ حْشْي رَ.

⁵² عَكَبُ شَ دِ عَشَسِيَ نَشَ قِندِ مَنفّ رَ سَمَرِ، عِسِرَيِلَ بْشِ شُن مَ، يُدَيَ مَنفّ يٍهٌسَقَتِ شَ مَنفّيَ حّ قُ نُن سٌلٌقٍرٍ ندٍ رَ. عَ بُ نّ مَنفّيَ كُي حّ قِرِن عِسِرَيِلَ شُن مَ.

⁵³ عَ نَشَ قٍ رَبَ، نَشَن مُ رَقَن عَلَتَلَ مَ، عَ نَشَ عَ حّرّ عَ بَبَ نُن عَ نفَ شَ كِرَ شْن مَ. عَ نَشَ قٍ رَبَ عَلْ نٍبَتِ شَ دِ يٍرٌبٌوَ مِ، نَشَن عَ نِيَ عِسِرَيِلَ بِرِن شَ يُنُبِ رَبَ.