Isirayila Mangɛe I 20:13-24 in Susu

¹³ Na tɛmui namiɲɔnmɛ nde naxa a maso Isirayila mangɛ Akabu ra, a naxa a masen a bɛ, «Alatala naxɛ, ‹I yi sɔɔri gali to? To yati n e birin sama nɛ i sagoe, alako i xa a kolon a n tan nan na Alatala ra.›»

¹⁴ Akabu naxa a maxɔrin, «A fama na rabade nde saabui ra?» Namiɲɔnmɛ naxa a fala a bɛ, «Alatala naxɛ i fama na rabade gominae xa sɛgɛtalae nan saabui ra.» Akabu naxa a maxɔrin, «Nde findima e xa yarerati ra na gere kui?» A naxa a yaabi, «I tan.»

¹⁵ Na kui Akabu naxa gominae xa sɛgɛtalae malan, e findi mixi kɛmɛ firin mixi tongo saxan nun firin na. Isirayila ɲama naxan nu na e xanbi ra, e findi mixi wulu solofere nan na.

¹⁶ E naxa mini gere sode yanyi tagi. A lixi Ben Hadada nun a malima mangɛ tongo saxan nun firin nu na bere minfe e xa leelee bun ma.

¹⁷ Gominae xa sɛgɛtalae singe naxa mini gere sode. Mixie naxa a fala Ben Hadada bɛ, «Sɔɔrie bara mini Samari taa kui.»

¹⁸ A naxa e yaabi, «Xa na sɔɔrie fafe lanyi nan fende, xa na mu a ra e wama gere sode, wo xa e suxu kɔnɔ wo naxa e faxa de.»

¹⁹ Isirayila gominae xa sɛgɛtalae naxa mini, e nun Isirayila sɔɔri ɲama.

²⁰ E to gere so, kankan naxa mixi nde faxa. Aramikae naxa e gi keren na, Isirayilakae fa bira e fɔxɔ ra. Arami mangɛ Ben Hadada fan naxa a gi a xa soe fari, a nun sɔɔri nde naxee nu na sɔɔri ragisee kui.

²¹ Isirayila mangɛ naxa mini, a Aramikae xa soee faxa, a e xa sɔɔri ragisee kana. Na findi nɛ gbaloe ra Aramikae bɛ.

²² Na namiɲɔnmɛ man naxa a maso Isirayila mangɛ ra, a a fala a bɛ, «I xa wakili, i xa fee rafala, barima tamuna Arami mangɛ man fama nɛ i gerede.»

²³ Arami sɔɔrie naxa a fala e xa mangɛ bɛ, «Isirayilakae xa ala sɛnbɛ gbo geya nan fari. Na nan a toxi e won bɔnbɔxi. Xa won sa e gere fili nan ma nu, won nɔma nɛ e ra.

²⁴ I naxan nabama, i xa na mangɛe ba naxee na i xa mixie ya ma, i fa gominae ti e ɲɔxɔɛ ra.

¹³ نَ تّمُي نَمِحْنمّ ندٍ نَشَ عَ مَسٌ عِسِرَيِلَ مَنفّ عَكَبُ رَ، عَ نَشَ عَ مَسٍن عَ بّ، «عَلَتَلَ نَشّ، ‹عِ يِ سْورِ فَلِ تٌ؟ تٌ يَتِ ﭑ عٍ بِرِن سَمَ نّ عِ سَفٌي، عَلَكٌ عِ شَ عَ كٌلٌن عَ ﭑ تَن نَن نَ عَلَتَلَ رَ.›»

¹⁴ عَكَبُ نَشَ عَ مَشْرِن، «عَ قَمَ نَ رَبَدٍ ندٍ سَابُي رَ؟» نَمِحْنمّ نَشَ عَ قَلَ عَ بّ، «عَلَتَلَ نَشّ عِ قَمَ نَ رَبَدٍ فٌمِنَيٍ شَ سّفّتَلَيٍ نَن سَابُي رَ.» عَكَبُ نَشَ عَ مَشْرِن، «ندٍ قِندِ مَ عٍ شَ يَرٍرَتِ رَ نَ فٍرٍ كُي؟» عَ نَشَ عَ يَابِ، «عِ تَن.»

¹⁵ نَ كُي عَكَبُ نَشَ فٌمِنَيٍ شَ سّفّتَلَيٍ مَلَن، عٍ قِندِ مِشِ كّمّ قِرِن مِشِ تٌنفٌ سَشَن نُن قِرِن نَ. عِسِرَيِلَ حَمَ نَشَن نُ نَ عٍ شَنبِ رَ، عٍ قِندِ مِشِ وُلُ سٌلٌقٍرٍ نَن نَ.

¹⁶ عٍ نَشَ مِنِ فٍرٍ سٌدٍ يَنيِ تَفِ. عَ لِشِ بٍن هَدَدَ نُن عَ مَلِمَ مَنفّ تٌنفٌ سَشَن نُن قِرِن نُ نَ بٍرٍ مِنقٍ عٍ شَ لٍيلٍيٍ بُن مَ.

¹⁷ فٌمِنَيٍ شَ سّفّتَلَيٍ سِنفٍ نَشَ مِنِ فٍرٍ سٌدٍ. مِشِيٍ نَشَ عَ قَلَ بٍن هَدَدَ بّ، «سْورِيٍ بَرَ مِنِ سَمَرِ تَا كُي.»

¹⁸ عَ نَشَ عٍ يَابِ، «شَ نَ سْورِيٍ قَقٍ لَنيِ نَن قٍندٍ، شَ نَ مُ عَ رَ عٍ وَ مَ فٍرٍ سٌدٍ، وٌ شَ عٍ سُشُ كْنْ وٌ نَشَ عٍ قَشَ دٍ.»

¹⁹ عِسِرَيِلَ فٌمِنَيٍ شَ سّفّتَلَيٍ نَشَ مِنِ، عٍ نُن عِسِرَيِلَ سْورِ حَمَ.

²⁰ عٍ تٌ فٍرٍ سٌ، كَنكَن نَشَ مِشِ ندٍ قَشَ. عَرَ مِكَيٍ نَشَ عٍ فِ كٍرٍن نَ، عِسِرَيِلَكَيٍ قَ بِرَ عٍ قْشْ رَ. عَرَ مِ مَنفّ بٍن هَدَدَ قَن نَشَ عَ فِ عَ شَ سٌي قَرِ، عَ نُن سْورِ ندٍ نَشٍيٍ نُ نَ سْورِ رَفِسٍيٍ كُي.

²¹ عِسِرَيِلَ مَنفّ نَشَ مِنِ، عَ عَرَ مِكَيٍ شَ سٌييٍ قَشَ، عَ عٍ شَ سْورِ رَفِسٍيٍ كَنَ. نَ قِندِ نّ فبَلٌي رَ عَرَ مِكَيٍ بّ.

²² نَ نَمِحْنمّ مَن نَشَ عَ مَسٌ عِسِرَيِلَ مَنفّ رَ، عَ عَ قَلَ عَ بّ، «عِ شَ وَكِلِ، عِ شَ قٍيٍ رَقَلَ، بَرِ مَ تَمُنَ عَرَ مِ مَنفّ مَن قَمَ نّ عِ فٍرٍدٍ.»

²³ عَرَ مِ سْورِيٍ نَشَ عَ قَلَ عٍ شَ مَنفّ بّ، «عِسِرَيِلَكَيٍ شَ عَلَ سّنبّ فبٌ فٍيَ نَن قَرِ. نَ نَن عَ تٌشِ عٍ وٌن بْنبْشِ. شَ وٌن سَ عٍ فٍرٍ قِلِ نَن مَ نُ، وٌن نْمَ نّ عٍ رَ.

²⁴ عِ نَشَن نَبَمَ، عِ شَ نَ مَنفّيٍ بَ نَشٍيٍ نَ عِ شَ مِشِيٍ يَ مَ، عِ قَ فٌمِنَيٍ تِ عٍ حْشْي رَ.