Isaiah 11:3-8

³ga gidee Ia dono manawa tenetene i dono hagalongo ang gi Mee. Gei Mee hagalee hagi aga ana mee ala e gidee Ia, be i ana mee ne longono ai.

⁴Mee ga hagi aga digau ala e hagaloale gi di mee dela e donu, ge Ia ga hagamaamaa digau ala nadau hagamaamaa ai gii donu. Gei Mee ga hagaduadua ge ga daaligi digau hai mee huaidu gii mmade gi ana helekai.

⁵Gei Mee gaa dagi ana daangada gi di tonu mo di manawa dahi.

⁶Nia paana lodo geinga mono siibi gaa noho tenetene i di gowaa e dahi, nia manu ‘leopard’ ga kiikii dalia nia damaa kuudi, nia damaa kau mono dama laion ga hahaangai i di gowaa e dahi, gei nia damagiigi lligi ga benebene digaula.

⁷Nia kau mono ‘bear’ ga miami i di gowaa e dahi, mo nia damaa kau mono dama ‘bear’ gaa kii i di gowaa e dahi i di aumaalia. Nia laion gaa gai nia geinga ala e gaigai go nia kau.

⁸Gei tama dulii la hagalee tale ang gi di haingadaa, maa mee ga haihai ana dadaagala i baahi o nia gihaa poisin.