ISAIA 1:10-11

¹⁰Ierusalema e, oiemu lohia taudia bona gunalaia taudia, be Sodoma bona Gomora edia lohia taudia bamona. Ierusalema taudia e, Lohiabada ena hadibaia hereva do umui kamonai.

¹¹Lohiabada ia gwau, “Umui laloa lau be emui boubou gaudia lau ura henia, a? Lasi, emui mamoe umui gabua, bona emui boromakau edia digara, umui gabua gaudia lau abia, be ia davana vadaeni lau dekenai. Lau be boromakau, bona mamoe, bona nanigosi edia rarana dekenai lau hesiku vadaeni.