Isaia 11:7-16

⁷Zuda ń wàio aaↄ dɛ kↄ̃gbɛ̃ↄ ũ, an nɛ́ↄ wúlɛ gudoũ. Nↄ̀ↄkusi a sɛ̃ ble lán zuwa.

⁸Nɛ́ yↄ̃mina a kↄ̃̀ↄ'o kyã́ ɛlɛ, nɛ́ kɛ̃a a ↄgɛ̃ píligonazi.

⁹Pↄ́ pↄ́ ì ń kɛ'ĩa ge pↄ́ pↄ́ ì ń dɛ aↄ ku Dii gbɛ̀sĩsĩ pↄ́ a kua adoawao, asa Dii dↄ̃a a li dṹniaaɛ, lá í ì dagua ísiaiwa.

¹⁰Zĩbeezĩ Yɛse zĩ́na aↄ dɛ gudↄkↄ̃ɛkĩi ũ buiↄnɛ. Wa aà kĩ́i wɛɛlɛ mɛ́ aà kúkĩi aↄ gawi vĩ.

¹¹Zĩbeezĩ Dii a ɛa ↄbↄ a gɛ̃n plaade, i a gbɛ̃́ kↄ̃na pↄ́ gↄ̃̀ↄ bo. Aa bↄ Asili ń Egipio ń Etiopio ń Elaũo ń Babilonio ń Amatao ń ísia gũgũnaↄ.

¹²A gudↄkↄ̃ɛkĩi dilɛ buiↄnɛ, i Isaili zĩ̀zↄↄ kãaa. A Yuda pↄ́ fãaaapiↄ sɛ́lɛ za dṹnia gola síiↄ̃ↄwa.

¹³Ɛflaiũ buiↄ zaańgu a midɛ, aaↄ za Yudaↄgu lↄo. Yudaↄ íbɛlɛ a láa, aa íbɛlɛsɛ ń Ɛflaiũ buiↄ lↄo.

¹⁴Aa lɛ́lɛ Filitɛ̃ↄ bùsuwa bɛ'aɛ, aa gukpɛdeↄ pↄ́ↄ naaa sãnu. Aa ↄtↄ̃ Ɛdↄũↄ ń Mↄabuↄwa, mɛ́ Amↄniↄ misiilɛnɛ́.

¹⁵Dii a to Egipi ísialɛ gↄ̃ gii, a ↄmalɛ Uflatai ń a lɛ́'ĩan wãao, i gↄ̃nakɛ̃ lɛɛ sopla, wi buawà ń kyaleo kpaa.

¹⁶A zɛda bↄ a guu a gbɛ̃́ kↄ̃na pↄ́ gↄ̃̀ Asiliↄnɛ, lá a kɛ̀ Isailiↄnɛ gↄↄ pↄ́ aa bↄ̀ Egipiwa.