Isaia 10:26-34

²⁶Dii Zĩgↄ̃de a fɛlɛmá ń flàalao, lá à Madiãↄ gbɛ̃̀ Ɔlɛbu gbɛ saɛwa. A a go poo ísiaa, là a kɛ̀ Egipiↄnɛwa.

²⁷Zĩbeezĩ a ń aso go á gã̀u, a ń zuu bↄɛ́ á nↄɛ à ɛ́'ɛ.

²⁸Aa ku Ayata, aa bↄ̀lɛ ń Migↄ̃nↄo, aa ń asoↄ kàlɛ Mimasa.

²⁹Aa bↄ̀lɛ ń gbɛbↄlɛo, aa bòokpà Gɛba, Lamadeↄ lɛ́ lualua, Gibɛa Saulu wɛ̃́lɛdeↄ lɛ́ bàalɛ.

³⁰Galiũdeↄ, à búbuapɛ! Laisideↄ, à swã́kpa! Waiyoo Anatodeↄ!

³¹Mademɛnadeↄ lɛ́ tílɛ, Gebiũdeↄ lɛ́ ulɛkĩi wɛɛlɛ.

³²Gↄↄ bee aa pila Nↄbu, aa ń gã gbãɛ Yelusalɛũdeↄnɛ Siↄna gbɛ̀sĩsĩ musu.

³³Gwa! Dii Lua Zĩgↄ̃de ali lɛsĩpiↄ zↄ̃, ali zↄ̃ↄpiↄ nɛ́, an gↄ̃naↄ kwɛ wìliũ.

³⁴A dào likpɛpi zↄ̃zↄ̃ ń mↄoo, likpɛpi i kwɛ Lua Gbãade aɛ.